انڈا کا شمار بہت ہی زیادہ ورسٹائل غذا میں کیا جاتا ہے یہ صحت سے بھرپورغذائیت فراہم کرتا ہے یہی وجہ ہے کہ اسے دن کے آغاز پر استعمال کے لیے بہترین تصورکیا جاتا ہے۔
اتنے صحت بخش ہونے کے باوجود انڈا ہمیشہ ہی متنازعہ بنا رہتا ہے اور ہرنئی تحقیق کے بعد اس کے مضر اور مفید ہونے پر بحث شروع ہوجاتی ہے۔
انڈوں میں جو غذائی اجزاء موجود ہی ان میں امائنو ایسڈ، اعلیٰ قسم کے پروٹین، وٹامنز اور معدنیات شامل ہیں یہی وجہ ہے کہ انڈے کارڈیالوجسٹ کی گروسری لسٹ میں ضرور موجود ہوتے ہیں۔
انڈوں کو اکثر زردی میں موجود کولیسٹرول جو کہ 185 ملی گرام فی انڈا ہوتی ہے کی وجہ سے مضر صحت تصور کیا جاتا ہے۔
ایک انڈے میں کتنی چکنائی ہوتی ہے؟
ایک درمیانے سائز کے انڈے میں عام طور پر تقریباً پانچ گرام چربی ہوتی ہے۔ تاہم اس کا انحصار انڈے کے سائز پرمبنی ہے۔ چربی کی یہ مقدار زیادہ تر زردی میں پائی جاتی ہے، یہ وہ جگہ ہے جہاں انڈے کے زیادہ تر ضروری غذائی اجزا موجودہوتے ہیں۔
انڈوں میں موجود چکنائی بنیادی طور پرمونوان سیچوریٹڈ اور پولی ان سیچوریٹڈ ہوتی ہےجسے دل کے لیے مفید چکنائی تصور کیا جاتا ہے۔
بہت سے لوگ اکثر یہ سوال کرتے ہیں کہ دن میں کتنے انڈے کھانا صحت کے لیے مفید سمجھا جاتا ہے تو اس کا آسان سا جواب یہ ہے کہ یہ تعداد ہر شخص کے لیے مختلف ہوسکتی ہے، اگر کسی شخص کو امراض قلب کا سامنا ہے یا ہائی کولیسٹرول ہے تو ایسی صورت میں کسی ماہر غذائیت اور معالج کے مشورے پر عمل کیا جائے تو زیادہ مناسب ہے۔
بغیر چکنائی کے انڈے کے فوائد
اگر آپ چربی کی مقدار کے بارے میں فکر مند ہیں تو، آپ زردی کے بغیر انڈے کو غذا میں شامل رکھ سکتے ہیں اور سفیدی کے صورت میں آپ بہترین پروٹین حاصل کر سکتے ہیں۔
کچھ ماہر امراض قلب تجویز کرتے ہیں کہ روزانہ ایک انڈا آپ کے کولیسٹرول کے لیے محفوظ تعداد ہے، جو پروٹین اور وٹامن ڈی جیسے غذائی اجزاء بھی فراہم کرتا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News