صحت کی اہمیت سے کون واقف نہیں۔ اگر یہ کہا جائے کہ صحت ہی زندگی ہے تو بے جانہ ہوگا۔ ماضی سے اب تک ایک قول بہت ہی مشہور ہے جس سے پھلوں خاص طور پر سیب کی افادیت سامنے آتی ہے۔
کہا جاتا ہے کہ روازنہ ایک سیب کھانا معالج سے دور رکھتا ہے تاہم اب مختلف تحقیق کے ذریعے بہت سے پھل اور سبزیاں بھی صحت کے حوالے سے اسی طرح کی افادیت رکھتی ہیں جن میں پیاز بھی شامل ہیں۔
ڈاکٹر پونم دیسائی جو کہ ایک میڈیسن فزیشن ہیں اور اکثر سوشل میڈیا پر ہیلتھ ہیکس شیئر کرتی ہیں، حال ہی میں انہوں نے اپنے ٹک ٹاک اکاؤنٹ پر ایک ویڈیو شیئر کی جس میں انہوں نے اس سبزی کے بارے میں آگاہ کیا ہے جسے وہ صحت مند رہنے کے لیے باقاعدگی سے کھاتی ہیں اور وہ ہے پیاز۔
پیاز میں کوئرسیٹن نامی ایک مرکب پایا جاتا ہے جس کا تعلق پودوں کے روغن کے ایک گروپ سے ہے جسے فلیوونائڈز کہتے ہیں یہ بہت سے پھلوں، پھولوں اور سبزیوں کو مختلف رنگ دیتا ہے۔
فلیوونائڈز جیسے کوئرسیٹن ایک طاقتور اینٹی آکسیڈینٹ ہے جو جسم میں فری ریڈیکلز کو ختم کرنے میں مدد فراہم کرتا ہے ہیں یہ فری ریڈیکلز خلیے کی جھلیوں کو نقصان پہنچاتے ہیں اور ڈی این اے میں خلل کا سبب بنتے ہیں۔یہی وہ جز ہے جس سے پیاز ایک طاقتور اینٹی آکسیڈنٹ اور اینٹی سوزش خواص پیش کرتی ہے۔
کوئرسیٹن کی اگر صحت پر اس کے فوائد کے حوالے سے بات کی جائے تو اس کی ایک طویل فہرست ہے جس میں امراض قلب، ہائی کولیسٹرول اور پروسٹیٹ کینسر کے خطرے کو کم کرنا شامل ہے۔
جبکہ ایک رجسٹرڈ ڈائیٹشین نیوٹریشنسٹ، جینا وولپ کے مطابق اس قدرتی مرکب پر کافی تحقیق کی گئی ہے اور اسے کئی طرح کی ادویات میں استعمال کیا جاتا ہے یہ مدافعتی نظام کو بہتر اور فعال بنانے میں اہم کردار ادا کرتا ہے۔
اب سوال یہ پیدا ہوتا ہے کہ کس قسم کی پیاز اور اسے کیسے کھایا جائے تاکہ کوئرسیٹن کی زیادہ سے زیادہ افادیت حاصل کی جاسکے۔ تو اس حوالے سے دیسائی کا کہنا ہے کہ سرخ پیاز میں سفید یا پیلے رنگ کی پیاز کی نسبت زیادہ کوئرسیٹن پایا جاتا ہے، یہی وجہ ہے کہ دیسائی کھانے کے لیے ہمیشہ سرخ پیاز کا انتخاب کرتی ہیں۔
انہوں نے مزید یہ بھی کہا اگر آپ پیاز کو پکاتے ہیں تو اس سے کوئرسیٹن کی سطح کم ہوجاتی ہے یہی وجہ ہے وہ پیاز کو کچا کھاتی ہیں تاکہ صحت کے فوائد زیادہ سے زیادہ حاصل کیے جاسکے۔
پیاز کی خشک فلیکی پرت کو ہٹانے کے بعد بیرونی پرت میں اندرنی پرت کی نسبت زیادہ کوئرسیٹن موجود ہوتا ہے۔ لہذا اگلی بار جب بھی آپ پیاز خریدیں سرخ پیاز کا انتخاب کریں اور اسے کچا کھائیں اور کوشش کریں کہ باہر کی پرتوں کو کھائیں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News