جو لوگ ذیابیطس سے بچنے کے ڈائٹ ( بنا کسی شکر) کی سافٹ ڈرنکس استعمال کرتے ان میں ایک اور مرض کا خظرہ پیدا ہوسکتا ہے جو دل کے امراض ہیں۔
امریکی ماہرین نے خبردار کیا ہے کہ ہفتے میں ایک یا دو لیٹر ڈائٹ سافٹ ڈرنکس پینے والوں میں دل کے امراض کا خطرہ 20 فیصد تک بڑھ سکتا ہے جو کسی بھی طرح نظرانداز نہیں کیا جاسکتا ۔ اگرچہ ان میں دل کے والو خراب ہونے یا شریانوں کی تنگی کا خطرہ کچھ زیادہ نہیں لیکن دل کی بے ترتیب دھڑکن ضرور لاحق ہوسکتی ہے۔ اس وقت بھی دنیا میں کروڑوں افراد دل کی اچانک بے ترتیب دھڑکن کی شکار ہیں اور اگر وہ ڈائٹ سافٹ ڈرنکس پی رہے ہیں تو یہ کیفیت بہت بڑھ سکتی ہے۔
اس مطالعے میں 27 سے 72 سال تک کے دولاکھ سے زائد افراد کا دس سال تک جائزہ لیا گیا۔ ان میں نصف تعداد خواتین کی تھی۔ حیرت انگیز طور پر ان میں سے جن افراد نے ہفتے میں ایک یا دو لیٹر ڈائٹ سافٹ ڈرنک پی ان میں بے ترتیب ڈھڑکن کا خظرہ 20 فیصد اور جن افراد نے روایتی شکر والی سافٹ ڈرنک کی اتنی ہی مقدار استعمال کی ان میں یہ خطرہ صرف 10 فیصد دیکھا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News