آج ہم آپکو بتائیں گے کہ ہڈیاں چٹخنے کی آوازیں کس خطرناک بیماری کی علامت ہے۔
اکثر لوگ بیٹھے بیٹھے اپنے ہاتھوں کی انگلیوں کو چٹخاتے ہیں یا پھر بیٹھ کر اٹھتے ہوئے گھٹنوں سے چٹخنے کی آوازیں آتی ہیں تو ان کو ایسا لگتا ہے کہ جیسے ان کی انگلیوں کے جوڑوں کی ہڈیوں کے ٹکراؤ یا رگڑنے سے یہ آواز پیدا ہورہی ہے یا پھر یہ کوئی بیماری ہے لیکن ایسا ہرگز نہیں ہے۔
ماہرین کا کہنا ہے کہ ویسے تو نوجوانی یا درمیانی عمر میں عام طور پر جوڑوں کی بیماری تو نہیں ہوتی لیکن ہو بھی سکتی ہے تاہم اس کا امکان بہت کم ہوتا ہے۔
انہوں نے کہا کہ اگر نماز پڑھنے کے دوران اٹھنے بیٹھنے سے ہڈیاں چٹخنے کی آوازیں آئیں اور ان میں کسی قسم کا درد نہ ہو تو کوئی پریشانی کی بات نہیں کیونکہ یہ عمل ہمارے اندرونی نظام میں شامل ہے۔
ماہرین کے مطابق انسان کے تمام جوڑوں میں ’سائنوول فلوئیڈ‘ نامی مادہ موجود ہوتا ہے اگر وہ ایک خاص لیول سے زیادہ ہوجائے تو وہ ایک بلبلے کی شکل اختیار کرلیتا ہے یا یہ کہہ لیں کہ کیمیکل میں تبدیلی آتی ہے اور ہمارے اٹھنے بیٹھنے سے اسی کے چٹخنے کی آواز نکلتی ہے لیکن یہ ہڈیوں کے ٹکرانے کی آواز نہیں۔
اس کے علاوہ اگر انگلیاں یا جوڑ چٹخنے کے ساتھ درد کی شدت بھی محسوس ہونے لگے تو فوری طور پر ایکسرے کروا کر اپنے ڈاکٹر سے رجوع کریں۔
