موسم سرما کی آمد کے ساتھ ہر سو ٹھنڈی ہوائیں چلنے لگتی ہے، یہی وجہ ہے یہ موسم بچوں اور سب ہی کو صحت کو متاثر کرتا ہے تاہم بہتر غذا کا انتخاب سردی میں جنم لینے والے امراض سے تحفظ فراہم کرتا ہے۔
ماہرین کا کہنا ہے سرد موسم میں قوت مدافعت بڑھانے اوربہتر مزاج کے لیے صحت بخش غذا نہایت ضروری ہے، چونکہ سردیوں میں جراثیم تیزی سے پھیلتے ہیں، اس لیے ایسی غذاؤں کا استعمال اہم ہے جو وٹامنز اور منرلز سے بھرپور ہونے کے ساتھ فوری توانائی فراہم کرے۔
دلیہ
دہی، میوہ جات اور دار چینی کے ساتھ دلیہ بہترین ناشتہ ہے، جو فائبر، آئرن، زنک اور اینٹی آکسیڈنٹس فراہم کرتا ہے۔
مچھلی
خاص طور پر سالمن، جو پروٹین، اومیگا-3 اور وٹامن ڈی فراہم کرتی ہے اور ہڈیوں، دماغ اور دل کے لیے مفید ہے۔
بیج اور گریاں
اخروٹ، السی، سورج مکھی اور کدو کے بیج اومیگا-3، میگنیشیم، پروٹین اور وٹامن ای کے اچھے ذرائع ہیں۔
دالیں اور پھلیاں
لوبیا، چنے اور دالیں پودوں سے حاصل ہونے والا بہترین پروٹین، فائبر اور وٹامنز فراہم کرتی ہیں۔
پھل، سبزیاں اور صحت مند اسنیکس
رنگ برنگے پھل و سبزیاں سوزش کم کرتی ہیں، ہاضمہ بہتر بناتی ہیں اور توانائی بڑھاتی ہیں۔
وٹامن سی سے بھر پورغذائیں
کیوی، مالٹا، شملہ مرچ، بروکلی اور اسٹرابیری قوت مدافعت کو بڑھاتی ہیں۔
یہ بھی پڑھیں: موسم سرما کی اس خاص سوغات کو غذا میں ضرور شامل رکھیں
زنک والی غذائیں
پالک، بادام، کدو کے بیج، مرغی، بیف اور سمندری سے حاصل ہونے والی غذائیں زنک فراہم کرتی ہیں، جو قوتِ مدافعت اور جسمانی صحت کے لیے ضروری ہیں۔
جڑی بوٹیاں
ہلدی، لہسن اور لال مرچ سوزش کم کرتی ہیں اور سردی، نزلہ زکام سے بچاتی ہیں۔
سوپ
مرغی کا سوپ مزاج کو بہتربنانے کے ساتھ جسم کو گرم رکھتا ہے اس میں پالک شامل کرنے سے غذائیت اور بھی بڑھ جاتی ہے۔
ادرک
سوزش کم کرنے کے ساتھ خون کی گردش بہتر بناتی ہے اور نزلہ زکام سے تحفظ دیتی ہے۔
دن بھر میں کتنی کیلوریزلینی چاہیے؟
خواتین کے لیے روزانہ تقریباً 2000 کیلوریز اور مردوں کے لیے 2500 کیلوریز تجویز کی جاتی ہیں، سردیوں میں یہ مقدار تھوڑی بڑھ سکتی ہے۔
