ایک ہفتے سوشل میڈیا سے دو رہیں توذہنی صحت پر کیا مثبت اثرات مرتب ہوسکتے ہیں؟

ایک ہفتے سوشل میڈیا سے دو رہیں توذہنی صحت پر کیا مثبت اثرات مرتب ہوسکتے ہیں؟ ۔ ماہرین نے نوجوانوں کی صحت سے متعلق ایک تحقیق سے آگاہ کردیا۔

امریکی محققین کے مطابق نوجوانوں اگر صرف ایک ہفتے تک سوشل میڈیا سے دور رہیں تو ذہنی صحت پر مثبت اثرات مرتب ہوسکتے ہیں۔

سوشل پلیٹ فارمز سے دوری نے بے چینی، ڈپریشن اور بے خوابی کی علامات میں واضح کمی پیدا کی۔ تحقیق کے مطالعے کے دوران 295 نوجوانوں نے اپنی روزانہ کی سوشل میڈیا سرگرمی کو تقریباً 2 گھنٹے سے کم کر کے صرف 30 منٹ تک محدود کیا۔

ہر شریک کو اس تحقیق میں حصہ لینے کے لیے 150 ڈالر ادا کیے گئے۔ ایک ہفتہ مکمل ہونے کے بعد کیے گئے سروے میں اوسطاً یہ نتائج سامنے آئے۔

بے چینی کی علامات میں 16.1 فیصد کمی ہوئی ۔ ڈپریشن کی علامات میں 24.8 فیصد کمی دیکھی گئی۔  بے خوابی کی علامات میں 14.5 فیصد کمی ریکارڈ ہوئی۔

تحقیق کے مطابق سب سے زیادہ بہتری اُن نوجوانوں میں دیکھی گئی جن میں پہلے سے ڈپریشن کی علامات زیادہ تھیں۔

شرکا نے تنہائی کے احساس میں کسی واضح تبدیلی کی اطلاع نہیں دی۔ تحقیق جے اے ایم اے نیٹ ورک اوپن میں شائع ہوئی۔ ماہرین کے مطابق یہ نتائج حوصلہ افزا ضرور ہیں، مگر ہر فرد کے لیے یکساں نہیں ہو سکتے۔

بعض شرکا نے نمایاں بہتری محسوس کی جبکہ کچھ میں معمولی یا کوئی تبدیلی نہیں آئی۔ ماہرین نے واضح کیا کہ سوشل میڈیا کا استعمال کم کرنا ذہنی صحت کی واحد یا بنیادی حکمت عملی نہیں ہونا چاہیے۔

تاہم یہ ایک سادہ اور مفت حل ہے جس سے نوجوانوں کو فوری فائدہ ہو سکتا ہے۔