بلوچستان میں ہیضہ پھیل گیا، 8 افراد جاں بحق ہو گئے، یہ افراد موسیٰ خیل کے علاقے چینہ خوندی میں جان کی بازی ہار گئے۔
جاں بحق ہونے والوں میں 6 بچے اور 2 مرد شامل ہیں۔ موسیٰ خیل کے محکمہ صحت کے حکام نے ہیضے سے اموات کی تصدیق کردی ہے ۔
حکام نے بتایا ہے کہ 8 اموات 4 روز کے دوران ہوئیں تاہم اب صورتِ حال قابو میں ہے۔ لورا لائی اور بارکھان سے میڈیکل ٹیمیں موسیٰ خیل پہنچ گئی ہیں۔
ڈی جی ہیلتھ کی جانب سے کوئٹہ سے ادویہ بھجوا دی ہیں۔ سرکاری اسکول کو عارضی اسپتال میں تبدیل کر دیا گیا ہے۔
محکمہ صحت کے ماہرین کی ٹیم نے علاقے میں پینے کے پانی کے نمونے حاصل کر لیے ہیں۔
