حالیہ مطالعات میں نیکوٹینامائیڈ ایڈینین ڈائنوکلئوٹائیڈ (NAD+) کو عمر رسیدگی کے عمل میں اہم کردار ادا کرنے والا مالیکیول قرار دیا گیا ہے، جس سے یہ خیال پیدا ہوا ہے کہ NAD سپلیمنٹس عمر کے اثرات کو سست کر کے لمبی عمر میں مدد دے سکتے ہیں۔
NAD+ ایک ایسا مالیکیول ہے جو اکثر وٹامن بی تھری سے حاصل کیا جاتا ہے اور انسانی جسم کے ہر خلیے میں موجود ہوتا ہے۔
یہ مائٹوکونڈریا کی توانائی پیدا کرنے، ڈی این اے کی مرمت اور جسمانی دباؤ کے ردعمل کو منظم کرنے میں بنیادی کردار ادا کرتا ہے۔ مائٹوکونڈریا، جو “خلیے کا انرجی ہوم” کہلاتا ہے، توانائی فراہم کرنے کے علاوہ خلیات کے درمیان رابطے اور خلیاتی موت میں بھی اہم کردار ادا کرتی ہیں۔
مزید پڑھیں: امریکا میں ویکسین گائیڈ لائنز میں تبدیلیوں سے ہیلتھ سیکٹرز چیلنجز کا شکار
ماہر لمبی عمر سیبنم کے مطابق، NAD+ کی سطح عمر کے ساتھ کم ہوتی جاتی ہے، جس سے مائٹوکونڈریا کی فعالیت متاثر ہوتی ہے، جینوم کی حفاظت کمزور ہوتی ہے اور خلیات پر دباؤ بڑھ جاتا ہے، جو کہ عمر رسیدگی کے بنیادی عمل سے جڑا ہوا ہے۔
NAD+ کی خوراک سے دستیابی
NAD+ خود غذا سے براہِ راست حاصل نہیں ہوتا بلکہ جسم اسے ٹرپٹوفان اور وٹامن B3 کی اقسام جیسے نیاسین، نیکوٹینامائیڈ اور نیکوٹینامائیڈ ریبوسائیڈ سے سنتھیسائز کرتا ہے۔ عمر رسیدگی، سوزش اور میٹابولک دباؤ NAD+ کی دستیابی کو کم کر سکتے ہیں۔
کیا NAD سپلیمنٹس عمر کو سست کر سکتے ہیں؟
NAD+ کے پیشرو اجزاء، جیسے نیکوٹینامائیڈ ریبوسائیڈ یا نیکوٹینامائیڈ مونو نیوکلیوٹائیڈ سپلیمنٹس انسانی جسم میں NAD+ کی سطح بڑھانے میں مددگار ثابت ہوئے ہیں۔ کچھ کلینیکل صورتوں میں IV NAD+ بھی استعمال ہوتا ہے۔
تاہم سیبنیم نے خبردار کیا ہے کہ NAD+ سپلیمنٹس کوئی معجزاتی علاج نہیں ہیں، موجودہ شواہد کے مطابق NAD+ کی سطح بحال کرنا مائٹوکونڈریا کی صحت اور میٹابولک مزاحمت کو سہارا دے سکتا ہے، مگر عمر کو سست کرنے یا زندگی کی مدت بڑھانے کا کوئی حتمی ثبوت نہیں۔
یہ سپلیمنٹس وسیع پیمانے پر لمبی عمر کے فریم ورک کے تحت معاون حکمت عملی کے طور پر استعمال کیے جائیں، نہ کہ اکیلے اینٹی ایجنگ حل کے طور پر۔
ماہرین کے مطابق NAD+ سپلیمنٹس خلیاتی صحت کو بہتر بنانے میں مددگار ہو سکتے ہیں، لیکن یہ عمر رسیدگی کو روکنے یا زندگی کی مدت بڑھانے کی ضمانت نہیں دیتے۔ یہ بنیادی صحت اور طرزِ زندگی کے دیگر عوامل کے ساتھ استعمال کرنے کے لیے ایک مددگار طریقہ ہے۔
