شاداب خان کا انگلینڈ کی ٹی ٹوئنٹی ویٹیلیٹی بلاسٹ کے لیے انگلش کاؤنٹی ٹیم سسیکس سے معاہدہ ہو گیا ہے۔
تفصیلات کے مطابق پاکستان کے لیگ اسپنر آل راؤنڈر شاداب خان نے انگلش کاؤنٹی کلب سسیکس سے معاہدہ کر لیا ہے، لیگ اسپر ٹی ٹوئنٹی ویٹیلیٹی بلاسٹ کا مکمل سیزن کھیلیں گے۔
انگلش کاؤنٹی کلب سسیکس کے بولنگ کوچ جیمز کرٹلی نے شاداب خان کے معاہدے کے حوالے سے کہا کہ ٹیم کے مڈل آرڈر میں شاداب خان کی موجودگی سے کافی فائدہ ہو گا۔
یہ بھی پڑھیں : لگتا ہے میرا ٹائم بھی اب آنے والا ہے، شاداب خان
جیمز کرٹلی نے مزید کہا کہ شاداب خان پوری دنیا میں کرکٹ کھیلتے ہیں اور انہیں ہر حالات میں کھیلنے کا مکمل تجربہ ہے۔
I love playing cricket in England. I know Mushtaq Ahmed is a legend at Sussex and it's an honour to follow in his footsteps.
Sussex has a proud history and I hope that my skillset will help the team achieve great things in the Blast this year. https://t.co/K5LU1ybeOZ
— Shadab Khan (@76Shadabkhan) January 17, 2023
شاداب خان نے بھی سسیکس کے ساتھ معاہدے پر خوشی کا اظہار کیا اور کہا کہ انگلینڈ میں کرکٹ کھیلنا مجھے بے حد پسند ہے، انہوں نے کہا کہ سسیکس کے لیے مشتاق احمد لیجنڈ ہیں اور اب ان کی طرح یہاں کھیلنا میرے لیے اعزاز ہے۔
شاداب خان نے سماجی رابطے کی ویب سائٹ ٹوئٹر پر کہا کہ کاؤنٹی کلب سسیکس کی ایک قابل فخر تاریخ ہے اور مجھے امید ہے کہ میری وجہ سے ٹیم ٹی ٹوئنٹی بلاسٹ کے اس سیزن میں اچھی کارکردگی دکھائے گی۔
