جج طاہرعباس سپرا نےعادل راجہ کا شناختی اور دیگر اوورسیزسہولیات کو بلاک کرنے کا حکم جاری کردیا۔
بھگوڑے عادل راجہ، معید پیرزادہ، سید اکبر حسین، حیدر مہدی، وجاہت خان اور شاہین صہبائی کیخلاف مقدمات کی سماعت ہوئی۔ یہ مقدمات 9 مئی 2023ء کو تھانہ آبپارہ اور تھانہ رمنا میں درج ہوئے۔
جج طاہرعباس سپرا کی عدالت میں ان کیخلاف گواہوں کے بیانات ریکارڈ کیے گئے۔ استغاثہ نے دو درخواستیں دائر کیں، ایک درخواست میں بھگوڑے عادل راجہ اور دیگر کیخلاف فرد جرم عائد کرنے کی تھی۔
دوسری درخواست میں استدعا کی گئی کہ عادل راجہ سمیت ان تمام افراد کے شناختی کارڈ بلاک کیے جائیں۔ درخواست میں مؤقف اپنایا گیا کہ بھگوڑے عادل راجہ سمیت ان سے کوئی بھی مقررہ تاریخ تک عدالت میں پیش نہیں ہوا۔
عدالت نے ڈپٹی کمشنر اسلام آباد کو عادل راجہ سمیت تمام افراد کی جائیداد کی تفصیلات فراہم کرنےاورچیئرمین نادرا کو عادل راجہ سمیت تمام افراد کے شناختی کارڈ اور دیگر سہولیات بلاک کرنے کی ہدایت کردی۔
ڈائریکٹر جنرل ایف آئی اے کو عدالت نے ہدایت کی کہ اگر یہ لوگ اسلام آباد ائیرپورٹ پر لینڈ کریں عدالت کو مطلع کیا جائے۔
عدالت نے تمام متعلقہ اداروں کو مکمل رپورٹ 10 جولائی 2024ء تک عدالت میں پیش کرنے کے احکامات بھی جاری کردیے۔