سپریم کورٹ میں عدالتی نظام میں ٹیکنالوجی کے استعمال پر سمپوزیم کا انعقاد ہوگا۔ چیف جسٹس پاکستان جسٹس یحییٰ آفریدی صدارت کریں گے۔

سمپوزیم کاعنوان “پاکستان میں عدالتی نظام میں ٹیکنالوجی کے استعمال، امکانات اور وعدے”ہے۔

اعلامیے کے مطابق لا اینڈ جسٹس کمیشن کی جانب سے 26 مئی کو سمپوزیم منعقدہوگا۔ سپریم کورٹ پاکستان، آزاد جموں و کشمیر کی سپریم کورٹ کے ججز و افسران شرکت کریںگے۔

سمپوزیم میں گلگت بلتستان کی سپریم اپیلیٹ کورٹ، فیڈرل شریعت کورٹ کے ججز و افسران شرکت کریں گے۔

تمام ہائی کورٹس اور راولپنڈی و اسلام آباد کے عدالتی افسران شرکت کریں گے۔وفاقی عدالتی اکیڈمی کے فیکلٹی ممبران بھی اس تقریب میں شریک ہوں گے۔

سمپوزیم ملک میں عدالتی نظام کو جدید تقاضوں سے ہم آہنگ کرنے کی جانب ایک اہم قدم ہے۔