لاہور: چیئرمین پاکستان کرکٹ بورڈ (پی سی بی) محسن نقوی نے بھارتی وزیراعظم نریندر مودی کے ٹویٹ پر سخت ردعمل دیتے ہوئے مودی کو کرارا جواب دیا ہے۔
محسن نقوی نے کہا ہے کہ تاریخ پہلے ہی پاکستان کے ہاتھوں بھارت کی ذلت آمیز شکست محفوظ کر چکی ہے اور کوئی کرکٹ میچ اس اٹل حقیقت کو مٹا نہیں سکتا۔
If war was your measure of pride, history already records your humiliating defeats at Pakistan’s hands. No cricket match can rewrite that truth. Dragging war into sport only exposes desperation and disgraces the very spirit of the game https://t.co/lqiUATm3wX
— Mohsin Naqvi (@MohsinnaqviC42) September 29, 2025
محسن نقوی نے اپنے ٹویٹ میں کہا کہ کھیل میں جنگ کو گھسیٹنا بھارت کی بےبسی کو ظاہر کرتا ہے۔ انہوں نے کہا کہ بھارت نے کھیل کی اصل روح کو داغدار کیا ہے، جبکہ بھارتی وزیراعظم کو آج بھی پاکستان کے ہاتھوں جنگ میں ہونے والی عبرتناک شکست کا دکھ نہیں بھولا۔
چیئرمین پی سی بی کا کہنا تھا کہ کھیل کو کھیل ہی رہنے دینا چاہیے، اسے سیاست اور نفرت کے بیانیے سے آلودہ کرنا دنیا بھر کے شائقین کرکٹ کے ساتھ ناانصافی ہے۔
