ڈی جی آئی ایس پی آر میجر جنرل احمد شریف چوہدری کا پلندری میں مختلف جامعات کے طلبہ سے خطاب سوشل میڈیا پر وائرل ہو گیا۔

15 ستمبر کو آزاد کشمیر کی مختلف یونیورسٹیوں کے ایک ہزار سے زائد طلبہ و اساتذہ نے ملاقات میں شرکت کی۔

ڈی جی آئی ایس پی آر نے طلبہ کے براہِ راست سوالات کے تفصیلی جوابات دیے، جن میں سیاسی اور معاشی موضوعات شامل تھے۔

عوامی ایکشن کمیٹی کی حالیہ توڑ پھوڑ سے متعلق سوال پر کہا کہ آزاد کشمیر میں سیاسی نظام مؤثر انداز سے کام کر رہا ہے۔

انہوں نے کہا کہ تعلیم، صحت اور انفراسٹرکچر سمیت تمام اشاریے دیگر علاقوں سے بہتر ہیں، اگر ریاست ٹیکس نہیں لے گی تو مراعات اور تنخواہیں کیسے دی جائیں گی؟ ڈی جی آئی ایس پی آر نے واضح کیا۔

انہوں نے بتایا کہ 30 فیصد سے زائد آزاد کشمیری عوام سرکاری ملازمتوں میں ہیں، ان کا کہنا تھا کہ احتجاج جمہوری حق ہے لیکن انتشار اور توڑ پھوڑ سے معیشت کو نقصان پہنچتا ہے۔

انہوں نے کشمیر کی خوبصورتی اور وسائل پر بات کرتے ہوئے کہا کہ اللہ نے کشمیر کو بے پناہ نعمتوں سے نوازا ہے۔

میجر جنرل احمد شریف نے کہا کہ پاکستان کا خواب دیکھنے والے کا تعلق بھی کشمیر سے تھا، انہوں نے بتایا کہ پاک فوج میں بڑی تعداد میں افسران اور جوانوں کا تعلق بھی کشمیر سے ہے۔

خطاب کے اختتام پر کہا کہ کشمیر کا مستقبل کشمیر بنے گا پاکستان ہے، طلبہ کی جانب سے خطاب کو سراہا گیا، جبکہ سوشل میڈیا پر کلپس وائرل ہو رہے ہیں۔