پاکستان کے معروف یوٹیوبر اور ولاگر رجب بٹ نے اہلیہ ایمان کے ساتھ اختلافات پر خاموشی توڑ دی ہے۔

حال ہی میں یوٹیوبر رجب بٹ نے ایک پوڈکاسٹ میں شرکت کے دوران اپنی اہلیہ ایمان کے ساتھ تعلقات سے متعلق بات کی۔

انہوں نے کہا کہ ایمان جانتی ہے کہ اس کی میری زندگی میں کیا حیثیت ہے اور وہ کبھی غیرمحفوظ یا حسد محسوس نہیں کرتی، ہمارے درمیان کبھی بڑے مسائل پیدا نہیں ہوئے۔

رجب بٹ نے بتایا کہ ایمان اپنے والدین کے گھر رہ رہی تھی کیونکہ اسے پرسکون ماحول پسند ہے اور میں چاہتا تھا کہ حمل کے دوران اسے آرام دہ ماحول ملے۔

انکا کہنا تھا کہ ہمارے درمیان زیادہ جھگڑے نہیں ہوئے، لیکن سوشل میڈیا پر لوگوں نے معاملے کو ضرورت سے زیادہ اچھالا۔

یوٹیوبر رجب بٹ نے مزید بتایا کہ اب ہمارے درمیان تمام مسائل حل ہو چکے ہیں اور ایمان اپنے بیٹے کیوان کے ساتھ دوبارہ گھر واپس آگئی ہیں۔