اسلام آباد:سینیٹ نے آرمی، ائیرفورس، نیوی ترمیمی ایکٹ اور پریکٹس اینڈ پروسیجر ترمیمی بل کی منظوری دے دی۔

سینیٹ کا اجلاس چیئرمین یوسف رضا گیلانی کی سربراہی میں ہوا جس میں پاکستان آرمی ترمیمی بل، پاکستان ائیر فورس ترمیمی بل وفاقی وزیر اسحاق ڈار نے، پاکستان نیوی ترمیمی بل خواجہ آصف نے اور سپریم کورٹ پریکٹس اینڈ پروسیجر ترمیمی  بل طارق فضل چوہدری نے بل پیش کیا۔

ایوان نے پاکستان آرمی ایکٹ، پاکستان ائیر فورس ایکٹ، پاکستان نیوی ایکٹ اور  پریکٹس اینڈ پروسیجر ترمیمی بل کثرت رائے سے منظور کرلیے۔

یہ بھی پڑھیں: آرمی ایکٹ ترمیمی بل منظور، آرمی چیف ہی چیف آف ڈیفنس فورسز ہوں گے

سینیٹ میں بلوں کی منظوری کے موقع پر پی ٹی آئی اور جے یو آئی کے ارکان کی جانب سے بل کی مخالفت کی گئی۔

ہمایوں مہمند اور کامران مرتضیٰ نے بل کی مخالفت کرتے ہوئے بل کو کمیٹی میں بھیجنے کا مطالبہ کیا تاہم چیئرمین سینیٹ نے بلوں کی منظوری کے لیے ایوان سے رائے لی جس کے بعد ایوان نے بلوں کو کثرت رائے سے منظور کرلیا۔

ایوان میں اظہار خیال کرتے ہوئے اسحاق ڈار نے کہا کہ ایوان نے27 ویں آئینی ترمیم منظورکی اور اسی سبب ایکٹس میں ترمیم کی ضرورت تھی، آرمی، نیوی اور ائیر فورس ایکٹ میں ترمیم کی گئی۔