امریکاکی ریاست میں تقریب کےدوران  فائرنگ  کےنتیجےمیں 13 افرادزخمی ہوگئے۔

امریکاکی ریاست شکاگو کے ایک  گھر میں سالگرہ کی تقریب کے دوران فائرنگ کاواقعہ پیش آیا جس کے نتیجے میں 13 افراد زخمی ہوئے جنہیں اسپتال منتقل کردیا گیاہے ۔

میڈیارپورٹ  کے مطابق شکاگو کے جنوبی علاقے میں واقع ایک گھر میں اتوار کی صبح تقریب جاری تھی کہ اسی دوران فائرنگ کا واقعہ پیش آیا جس میں 13 افراد زخمی ہوئے جن میں سے چار کی حالت تشیوشناک ہے۔

محکمہ پولیس کی جانب سے زخمی ہونے والوں کی شناخت کو ظاہر نہیں کیا گیا  ۔

رپورٹ کے مطابق نوجوان کی 22 ویں سالگرہ کی تقریب جاری تھی۔

پولیس افسر فریڈ والر کا کہنا تھا کہ ’فائرنگ سے زخمی ہونے والوں کی عمریں 16 سے 48 برس کے درمیان ہیں، واقعے کے بعد دو افراد کو حراست میں لیا گیا جن سے تفتیش جاری ہے‘۔

واقعے کے بعد شکاگو کی میئر لوری لائٹ فوٹ  نے مقامی اسپتال میں متاثرین کے ساتھ ملنے کے بعد ایک پریس کانفرنس میں صحافیوں کو بتایا کہ یہ ایک خوفناک المیہ ہے اور بزدلی کا واضح   اور ناقابل یقین واقعہ ہے۔

کیلی فورنیامیں تقریب کےدوران فائرنگ،4 افرادہلاک

لائٹ فوٹ نے فائرنگ سے متعلق معلومات رکھنے والوں کو آگے آنے اور تفتیش میں پولیس کی مدد کرنے پر زور دیتے ہوئے  کہا کہ ہم اس طرح کے واقعات کو معمولی نہیں بنا سکتے ہیں۔

مقامی چینل کی رپورٹ میں شبہ ظاہر کیا گیا ہے کہ سالگرہ کی تقریب اُس شخص کی تھی جس نے رواں سال اپریل میں شکاگو میں کار چھیننے کے دوران فائرنگ کی تھی جس کے نتیجے میں شہری کی ہلاکت بھی ہوئی تھی۔