امریکی ریاست کیلی فورنیامیں تقریب کےدوران فائرنگ سے 4 افراد ہلاک جبکہ 6 افراد زخمی ہوگئے ہیں  ۔

غیر ملکی خبررساں ادارے کے مطابق امریکی ریاست کیلی فورنیا کے شہر فریسنومیں ایک گھرمیں  تقریب کے دوران  فائرنگ کا  واقعہ  پیش آیا ہے، فائرنگ سے 4 افراد جان کی بازی ہار گئے جبکہ 6 افراد زخمی ہوگئے ہیں  ۔

پولیس حکام کےمطابق فائرنگ کے واقعے میں دس  افراد زخمی ہوئےتھے جن میں سےچار افرادہلاک ہوگئے جبکہ  باقی  زخمی ہونےوالے افراد کو طبی امداد کے لیے اسپتال منتقل کر دیا گیاہے۔ زخمیوں میں سے کچھ کی حالت تشویش ناک بتائی جاتی ہے۔

 امریکی میڈیاکے مطابق پولیس کے آفیسر لیفٹنٹ بِل ڈولی نےمیڈیا کوبتایاہےکہ  فائرنگ کےواقعے کے ملوث  کوئی  بھی اب تک گرفتار نہیں  ہوسکا ہے    اور  اس  بات کی بھی کوئی  تصدیق نہیں  ہوسکی ہے کہ حملے میں  ایک یااس سےذائد افرادملوث ہیں ۔جبکہ   واقعے کے بعدحملہ آور موقع سے فرارہونےمیں کامیاب ہوگیا۔

Advertisement

#BREAKING MASSIVE police response in a neighborhood by Peach/Pine in Fresno. Streets clogged with cars/ambulances…a lot of people being put on stretchers. Waiting to learn more. pic.twitter.com/HUT03Cdryp

— Dennis Valera (@dennisreports) November 18, 2019

مزید برآں پولیس حکام کامزید کہنا ہےکہ پولیس نےعلاقےکوگھیرےمیں لے لیا ہے جبکہ سراغ رساں کتوں کی مددسےعلاقےکا سرچ   آپریشن شروع کردیاگیاہے۔

کیلیفورنیا: اسکول میں فائرنگ، متعدد افراد زخمی

واضح رہے کہ 4 روز قبل امریکی ریاست کیلی فورنیا کے ہائی اسکول میں نامعلوم مسلح افراد کی فائرنگ کے نتیجے میں خاتون ہلاک اور 6 افراد زخمی ہوگئے تھے جبکہ حملہ آور کو زخمی حالت میں گرفتار کرلیا گیا تھا۔

اس سےقبل بھی  گزشتہ ماہ امریکی ریاست کیلی فورنیا کے ایک گھر میں ہیلووین پارٹی کے دوران مسلح شخص کی فائرنگ کے نتیجے میں 3 افراد ہلاک اور 9 زخمی ہوگئے تھے۔

واضح رہے کہ امریکا میں رواں سال اب تک ماس شوٹنگ کے 250 سے زائد واقعات ہوچکے ہیں اور امریکی سوسائٹی میں اس سب کو لے کر بے پناہ تشویش پائی جارہی ہے۔