وقار زکا پاکستان شوبز انڈسٹری کا ایک جا نا مانا نام ہیں، جو پاکستان میں منفرد اور مقبول ترین رئیلٹی شو لاتے ہیں اور پھر چھا جا تے ہیں۔

 وقار زکا سے متعلق ایک اچھی خبر آئی ہے لیکن اس کا تعلق شو بز سے نہیں بلکہ تعلیمی میدان سے ہے۔

بول ٹی وی کے سپر ہٹ رئیلٹی شو کے میزبان وقا زکا نے کئی ماہ قبل عدالت میں ایک درخواست دائر کی تھی جس کا تعلق پاکستان کے نو جوانوں کے مستقبل اور انھیں پڑھا ئے جانے والے پرا نے نصاب سے تھا۔

وقار زکا نے عدالت میں دائر اپنی درخواست میں موقف اختیار کیا کہ سندھ میں نویں جماعت  کے کمپیو ٹر سائنس کے اسٹو ڈنٹس کو صدیو ں پرا نا نصاب پڑھا یا جا رہا ہے جس میں مو جودہ دور سے منسلک کوئی سا ئنسی اپ ڈیٹ نہیں لہذا نو جوانوں کے مستقبل کا خیال رکھتے ہوئے سندھ بو رڈ نصاب کو جدید دور کے عین مطابق ترتیب دے۔

 اسکولوں میں نویں جماعت میں 15 سال پرانا نصاب پڑھایا جا رہا ہے۔

اس درخواست پر عمل درآمد کرتے ہوئے با لآخر وقار زکا کی سن لی گئی اور اب سندھ ٹیکس بک بورڈ جام شورو نے ایک پریس ریلیز جاری کی ہے جس کے مطابق نویں جماعت کے بچوں کےلئے کمپیو ٹر سائنس کی بک مو جودہ دور کے مطابق اپ ڈیٹ کرکے 2020-21 کے سیشن کےلئے شائع کی جارہی ہے جو عنقریب اسٹوڈنٹس کو دستیاب ہو گی۔

محکمہ تعلیم سندھ کے مطابق طلباء کو نئے تعلیمی سال میں نیا نصاب پڑھایا جائے گا، نیا نصاب جدید طرز پر بنایا گیا ہے۔

کمپیوٹر سائنس کے نئے نصاب میں جدید ٹیکنالوجی کا ذکر شامل کیا گیا ہے۔