جمعیت علماء اسلام (ف) کے رہنما حافظ حمد اللہ نے کہاہےکہ وہ وزیراعظم عمران خان سے زیادہ خوبصورت اورزیادہ جوان نظرآتے ہیں۔

گزشتہ دنوں وزیرمملکت برائے موسمیاتی تبدیلی زرتاج گل نے وزیراعظم عمران خان کی تعریفوں کاپل باندھتے ہوئے کہاتھا کہ عمران خان کی مسکراہٹ قاتل اوران کی شخصیت کرشماتی ہے۔

انہوں نے سماجی رابطے کی ویب سائٹ پر جاری ایک ویڈیو میں کہا کہ اگر وزیراعظم عمران خان کی باڈی لینگویج کی بات کی جائے تو میرے خیال میں وہ بہترین طلسماتی شخصیت کے مالک ہیں۔

PM Imran Khan is the finest charismatic man with a killer smile: Climate change minister Zartaj Gul. pic.twitter.com/kpWuorP0k9

Advertisement

— Naila Inayat नायला इनायत (@nailainayat) January 24, 2020

زرتاج گل کاکہناتھاکہ جب وہ چل کر آتے ہیں تو ان کی شخصیت کا اتنا رعب، دبدبہ کرشمہ ہوتا ہےکہ ہمارے ذہن میں کوئی شبہ ہوتا ہے وہ بھی دور ہوجاتا ہے۔

وزیر مملکت اپنےبیان پرسوشل میڈیا ٹرولز کی زد میں بھی آئیں۔

وزیرمملکت کے اس بیان پردلچسپ تبصرہ کرتے ہوئے جے یو آئی (ف) کے رہنما نےکہا کہ ’وزیر موسمیات یہ

بھی بتائیں کہ میرے بارے میں کیا رائے رکھتی ہیں؟ میں وزیر اعظم پاکستان سے بھی زیادہ خوبصورت، جوان اور ہنس مکھ ہوں اور میری بول چال بھی وزیر اعظم سے بہتر ہے‘۔