وزیراعظم کےمعاون خصوصی برائے صحت ڈاکٹرظفرمرزا نے کہا ہے کہ کورونا سے متعلق ائیر پورٹس پر اہم انتظامات کرچکے ہیں،چین سے پاکستانیوں کی واپسی کاسلسلہ شروع ہوگیا۔
چینی سفیرکے ہمراہ پریس کانفرنس کرتے ہوئے ڈاکٹرظفر مرزا کاکہناتھا کہ کورونا کی تشخیص کیلئے کٹس موصول ہوچکی ہیں، پاکستان میں کورونا وائرس کا کوئی بھی مریض نہیں۔
انہوں نے کہاکہ کورونا وائرس سے نمٹنے کیلئے منصوبہ بندی کرلی ہے، اس سلسلے میں وزارت صحت کی ٹیمیں ہمہ وقت الرٹ ہیں، پاکستان میں کورونا وائرس کے 7 مشتبہ افراد میں ٹیسٹ کیے گئے، کسی بھی بھی کورونا وائرس کی تشخیص نہیں ہوسکی۔
ڈاکٹر ظفر مرزانےکہا کہ چین سے آنے والے کسی بھی مسافر کوآبزرویشن کی ضرورت نہیں، وزارت صحت کی ٹیمیں تمام ائیرپورٹس پر جائیں گی، ائیر پورٹس پر مسافروں سے متعلق ایس او پیز جاری کی گئی ہیں۔
معاون خصوصی صحت کا کہناتھا کہ مشاورت سے ہم سب ایک پیج پر ہونگے۔
چین سے آنے والے تمام مسافروں کا ائیرپورٹس پر مکمل طبی معائنہ کیاجارہا ہے۔
چینی سفیر نے نیوز کانفرنس سے خطاب کرتے ہوئے کہا کہ کورونا وائرس سے چین میں 371 افراد ہلاک ہوچکےہیں، وائرس کے خطرات کے پیش نظرچین میں تمام تقریبات کو منسوخ کردیاگیا۔
چینی سفیرکا کہناتھا کہ کورونا وائرس کے چیلنج سے نمٹنے کیلئے ہر ممکن کوشش کررہے ہیں،ہم پر امید ہیں کورونا وائرس پر جلد قابو پالیں گے۔
انہوں نے کہا کہ چین میں موجود پاکستانی شہریوں کی ہر ممکن مدد کریں گے.چین میں وائرس سے متاثرہ 5ہزار ۔سے زائدمریض صحت یاب ہوچکےہیں۔
چینی سفیر نے کہا کہ دنیا کو اپنے اقدامات سے آگاہ کررہےہی،ڈبلیو ایچ او نےبھی ہمارے اقدامات کو سراہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News