بھارتی شہرممبئی میں واقع بھارتی نیوی کےاہم مرکزمیں 21 اہلکاروں میں کوروناوائرس کی تصدیق کردی گئی ہے۔

برطانوی نشریاتی ادارےکی رپورٹ کےمطابق بھارت کی وزارت دفاع کےحکام کاکہناتھاکہ ممبئی کے مغربی علاقے میں قائم نیول بیس میں کوروناوائرس پھیل گیا ہے۔

بھارتی نیوی نےاپنےبیان میں کہاکہ ویسٹرن کمانڈ فورس کےمرکزآئی این ایس آنگرےمیں 21 اہلکاروں میں کووڈ-19 (کوروناوائرس) کی تشخیص ہوئی ہے۔

ان کاکہناتھاکہ کسی جہازمیں یاآبدوزکےحوالےسےاس طرح کی کوئی رپورٹ نہیں ہے۔

بھارتی نیوی نےاپنےبیان میں کہاکہ رواں ماہ کے اوائل میں ٹیسٹ مثبت آنےوالےایک فوج سےملنےوالے کئی اہلکاروں کاٹیسٹ کیاگیاتھاجن میں سےاکثرکےٹیسٹ مثبت آئے ہیں۔بیان میں مزید کہا گیاکہ تمام متاثرہ اہلکارزیرعلاج ہیں۔

رپورٹ کےمطابق بھارتی نیوی کےمتاثرہ تمام اہلکارایک ہی بلاک میں رہتےہیں جس کوآئسولیش زون قرار دیا گیااورلاک ڈاؤن کیاگیاہے۔

نیوی کے سربراہ ایڈمرل کرامبرسنگھ نےگزشتہ ہفتےاہلکاروں کےنام اپنے پیغام میں زوردیتےہوئےکہاتھا کہ بحری جہازوں اورسبمرین کووائرس سےپاک رکھاجائے۔

واضح رہےکہ بھارت وزارت صحت کےتازہ اعداد وشمار کےمطابق ملک میں کوروناوائرس کےکیسزکی تعداد 11 ہزار 906 ہوچکی ہےجبکہ 480 افرادہلاک ہوئے۔

بھارت میں کوروناوائرس کاپہلا کیس 15 فروری کورپورٹ ہواتھااورعالمی سطح پرکوروناوائرس کےاعداد و شماررکھنےوالی ویب سائٹ کےمطابق اب  تک مجموعی تعداد 16  ہزار 365 ہوگئی ہے۔جبکہ اس سے   521 افرادہلاک ہوچکےہیں۔ اور 2ہزار 466 افرادصحت یاب ہوچکےہیں۔