کوروناوائرس کےباعث نئی دہلی اورممبئی سمیت ملک کے 170 اضلاع کو یڈ زون قرار دے دیاگیاہے۔
تفصیلات کےمطابق بھارتی حکومت کی جانب سےجاری گائیڈ لائنزمیں کورونا وائرس کے کیسز کی اعتبار سے مختلف علاقوں کو رنگوں کے ذریعے واضح کیا گیا ہے۔
وائرس کے باعث سب سے زیادہ متاثرہ علاقوں کو ریڈ زون قرار دیا گیا ہے جبکہ جن علاقوں میں کم کیسز ہیں انہیں نارنجی اور جہاں کوئی کیسز نہیں ہیں ان علاقوں کو ہرے رنگ کے ذریعے واضح کیا گیا ہے۔
گائیڈلائنزمیں نئی دہلی، ممبئی، چنئی، بنگلورو، کلکتہ اورحیدرآبادسمیت ملک کے 170 اضلاع کو ریڈ زون قرار دیا گیا ہے ۔
گائیڈ لائنز کے مطابق کسی بھی علاقے کو ابھی تک گرین زون قرار نہیں دیا گیا ہے۔
بھارتی حکومت کی جانب سے ریاستی حکومت کو ہدایت کی گئی ہے کہ ریڈ زونز والے علاقوں میں ہنگامی بنیادوں پر کوروناٹیسٹ کیے جائیں تاکہ ان علاقوں میں وبا پر قابو پا کر انھیں پہلے اونج اور پھر ہرے زون میں شامل کیا جائے۔
بھارت کی وزارت صحت کے مطابق جن ریڈ زون والے علاقوں میں 28 روز تک کو ئی کیس رپورٹ نہیں ہو گا ان علاقوں کو گرین زون کا درجہ دے دیا جائے گا جبکہ جن علاقوں میں 14 روز تک کیس رپورٹ نہیں ہو گا انھیں اورنج زون میں شامل کر دیا جائے گا۔
مودی سرکار نے ملک میں بڑھتے ہوئے کورونا کیسز کے پیش نظر لاک ڈاؤن میں 3 مئی تک توسیع کر دی ہے۔
بھارتی میڈیا کے مطابق 20 اپریل تک ریڈ زون قرار دیئے گئے علاقوں میں یہی صورت حال برقرار رہی تو ان علاقوں میں لاک ڈاؤن نرمی نہیں کی جائے گی۔
واضح رہےکہ بھارت میں کوروناسے متاثرہ افراد کی تعداد 12، ہزار456 ہوگئی ہےجبکہ86نئی اموات رپورٹ ہونےکےبعدمرنےوالوں کی تعداد 423 ہوچکی ہےجبکہ 1 ہزار 513 افراد صحتیاب ہوچکےہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News