ایڈز کی ماہر ڈاکٹر کورونا سے ہلاک

ثمرا مظہر

03rd Apr, 2020. 10:07 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایڈز کی ماہر ڈاکٹر کورونا سے ہلاک

عالمی شہرت یافتہ جنوبی افریقی ڈاکٹر گیتا رام جی کورونا وائرس میں مبتلا ہو کر انتقال کر گئیں۔ دنیا بھر سے انہیں خراج عقیدت پیش کرنے کا سلسلہ جاری ہے۔

ڈاکٹر گیتا رام نےایچ آئی وی (ایڈز) کے علاج اور تحقیق پر اپنی زندگی کا ایک بڑا حصہ صرف کیا۔

برطانوی خبر رساں ادارے کوڈاکٹرگیتارام کےایک ساتھی اور دوست گیون چرچ یارد نے بتایا کہ انہوں نے اپنی زندگی کے کئی برس ایچ آئی وی کا علاج ڈھونڈنے اور تحقیق پر خرچ کیے، وہ ایک باہمت خاتون تھیں۔

اقوام متحدہ کے ایڈز پروگرام کے انچارج وینی بیانیاما نے کہا ہے کہ پروفیسر ڈاکٹر رام جی کا انتقال بہت بڑا نقصان ہے کیونکہ یہی وہ وقت تھا جب دنیا کو ان کی اشد ضرورت تھی۔

یاد رہے کہ جنوبی افریقہ میں دنیا بھر کے مقابلے میں ایڈز کے مریضوں کی تعداد بہت زیادہ ہے۔ ملک کے نائب صدر ڈیوڈ مابوزا نے اپنے بیان میں کہا ہے کہ ڈاکٹر گیتا رام جی کا انتقال ملک کے شعبہ صحت اور دنیا بھر کے ایڈز پروگرام کیلئے ایک دھچکے سے کم نہیں۔

ڈاکٹر گیتاروام کا انتقال ڈربن شہر کے اسپتال میں ہوا جہاں وہ چیف سائنٹفک افسر کے طور پر کام کر رہی تھیں۔