پاکستان سمیت دنیا بھر میں بوم بوم کے نام سےپہچنانے جانے والےقومی کرکٹ ٹیم کے سابق آل راؤنڈر شاہد آفریدی کھیل اور عام زندگی میں اپنے جارحانہ انداز کے باعث مرکز نگاہ بنے رہتے ہیں۔ مائیکرو بلاگنگ ویب سائٹ ٹویٹر پر بھی انکا خاص اندازاور سیاسی بیانات ہمیشہ ٹاپ ٹرینڈ بنا رہتا ہے۔

چند روز قبل شاہد آفریدی کی آزاد کشمیر کے دورے کے دوران بنائی گئی ایک ویڈیو بھارت میں وائرل ہو گئی جس میں انہوں نے بھارتی وزیر اعظم نریندر مودی پر تنقید کے نشتر برسا دیے جس کو دیکھ کر بھارتی آگ بگولہ ہوگئے۔

شاہد آفریدی نےوائرل ویڈیومیں کیا گیا؟

مائیکرو بلاگنگ ویب سائٹ پر وائرل ہونے والی ویڈیو میں شاہد آفریدی نے بھارتی وزیراعظم نریندر مودی پر تنقید کے نشتر برساتے ہوئے کہا کہ وہ ’کورونا وائرس سے بھی بڑی بیماری ہیں‘۔

https://twitter.com/IamYasif/status/1262155009573224450?s=20

ایک مرتبہ پھر گذشتہ برسوں کی طرح شاہد آفریدی نے مقبوضہ کشمیر میں بھارتی  ’مظالم‘ کا تذکرہ کرتے ہوئے کہا کہ ’چھوٹے سے کشمیر میں سات لاکھ سے زائد فوج جمع کردی ہے‘۔

اس موقع پر شاہد آفریدی کے ساتھ پاک فوج کے جوان بھی کھڑے تھے اور سب کی جانب سے شاہد آفریدی کے بیان کی حمایت کی گئی۔ جوش خطابت کے دوران بھارت کو للکارتے ہوئے شاہد آفریدی نے کہا کہ ’ہم نے تو اُن کے چوزوں کو ہوا میں مارا، چائے پلا کر واپس بھجوایا ہے عزت کے ساتھ‘۔

شاہد آفریدی کی وائرل ویڈیو نے بھارت میں آگ لگا دی

شاہد آفریدی کے یہ لفظی حملے بھارتیوں کوبرداشت نہ ہوئے جس کا جواب بھارتی کرکٹ ٹیم کے سابق اوپننگ بلے باز گوتم گمبھیرنے دیا اور مائیکرو بلاگنگ ویب سائٹ پر ٹویٹ کرتے ہوئے غصے کی آگ میں سلگتے ہوئے شاہد آفریدی کو ان کی عمر کا تانا دیتے ہوئے اور ذاتی حملے کرتے ہوئے انہیں 16  سالہ شخص‘ قرار دے دیا اور اس سے بھی افاقہ نہ ہوا تو گوتم گمبھیر نے مزید لکھا کہ  ’شاہد آفریدی، قمر جاوید باجوہ اور عمران خان جتنا چاہے زہر اگل لیں مگر روز آخرت تک کشمیر نہیں دیں گے۔‘

Pak has 7 lakh force backed by 20 Cr ppl says 16 yr old man @SAfridiOfficial. Yet begging for Kashmir for 70 yrs. Jokers like Afridi, Imran & Bajwa can spew venom against India & PM @narendramodi ji to fool Pak ppl but won't get Kashmir till judgment day! Remember Bangladesh?

Advertisement

— Gautam Gambhir (@GautamGambhir) May 17, 2020

انہوں نے سابق کرکٹر کو مخاطب کرتے ہوئے یہ بھی لکھا کہ ’بنگلہ دیش یاد ہے؟

شاہد آفریدی کے ’چوزوں‘ والے بیان کو سوشل میڈیا پر صارفین نے بھارتی پائلٹ ونگ کمانڈر ابھینندن ورتھمان سے جوڑنے میں زیادہ دیر نہیں لگائی۔

 بھارتی ابھینندن کو نہ صرف اپنے ’ہیرو‘ کے طور پر پیش کرتے نظر آئے بلکہ پاکستانیوں پر تاریخ توڑ مروڑ کر پیش کرنے کا بھی الزام لگایا۔

یاد رہے کہ27 فروری سنہ 2019 کو بالاکوٹ کے گاؤں جابہ پر پاک فضائیہ نے بھارتی ائیرفورس کو دھول چٹائی تھی اور فضا میں انکا طیارہ ’مگ 21‘ مار گرانے کے بعد بھارتی ونگ کمانڈر ابھینندن کو گرفتار کرلیا تھا۔