کابل کے گرین زون کی مشہور مسجد میں دھماکے کے نتیجے میں امام مسجد سمیت 2 نمازی جاں بحق جبکہ 20زخمی ہوگئے۔
فرانسیسی خبررساں ادارے کے مطابق ملک کی وزارت داخلہ کے ترجمان طارق آریان نے ایف پی’ سے گفتگو کرتے ہوئے کہا کہ بدقسمتی سے اس شام دہشت گردوں نے وزیر اکبر خان مسجد میں دھماکا خیز مواد کے ذریعے حملہ کیا۔
طارق آریاں نے مزید بتایا کہ وزیر اکبر خان مسجد کابل کی معروف ترین مسجد ہے جہاں امام ایاز نیازی کے خطبات کو سننے کے لیے دور دور سے لوگ آتے ہیں جب کہ کابل انتظامیہ کے اہم رہنما بھی اسی مسجد میں نماز عیدین ادا کرتے ہیں۔
زخمیوں میں سے 4 کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔
افغانستان کے صدر اشرف غنی کے ترجمان نے اسے ایک گھناؤنا حملہ قرار دیا ہے ۔
Advertisement
دوسری جانب اب تک کسی بھی جماعت کی جانب سے حملے کی زمہ د اری قبول نہیں کی گئی ہے ۔
واضح رہے کہ اس سے قبل پیر کو ملک کے شمالی علاقے میں حملے میں 7 شہری ہلاک ہو گئے تھے اور افغان حکام نے حملے کی ذمے داری طالبان پرعائد کی ہے۔
جبکہ ہفتے کو ایک دھماکے میں صحافی اور ڈرائیور ہلاک ہو گئے تھے اور اس حملے کی ذمے داری داعش نے قبول کی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
