محکمۂ موسمیات کے ڈائریکٹر سردار سرفراز نے کہا ہے کہ کراچی میں آج شام میں یا رات میں بوندا باندی کا امکان ہے ۔
ڈائریکٹر محکمۂ موسمیات سردار سرفراز نے کہا ہے کہ کراچی میں آج صبح سویرے سے ہی بادل چھائے ہوئے ہیں۔
ان کا مزید کہنا ہے کہ صبح سے ہی کراچی شہر میں سمندری ہوائیں تیز رفتار سے چل رہی ہیں، جس کے باعث سمندری بادل شہر کا رخ کر رہے ہیں، جس کی وجہ سے آج شام یا رات میں بوندا باندی ہونے کا امکان ہے۔
محکمۂ موسمایت کے مطابق آئندہ 24 گھنٹوں کے دوران شہر قائد کا مطلع جزوی ابرآلود جبکہ موسم گرم اور مرطوب رہنے کا امکان ظاہر کیا ہے۔
محکمۂ موسمیات کے مطابق شہر کا کم سے کم درجۂ حرارت 29 اعشاریہ 5 ڈگری سینٹی گریڈ ریکارڈ کیا گیا جبکہ زیادہ سے زیادہ درجۂ حرارت 35 سے 37 ڈگری سینٹی گریڈکے درمیان رہنے کا امکان ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
