چین میں پھر کورونا وائرس سر اٹھانے لگا ، 11 علاقوں میں لاک ڈاؤن

ثمرا مظہر

13th Jun, 2020. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین میں پھر کورونا وائرس سر اٹھانے لگا ، 11 علاقوں میں لاک ڈاؤن

چین میں ایک بار پھر کورونا وائرس کے کیسز سامنے آگئے جس کے بعد 11 علاقوں میں لاک ڈاؤن کر دیا گیا۔

چینی میڈیا کے مطابق چین میں ایک بار پھر کورونا وائرس سر اٹھانے لگا، مہلک وبا کی نئی لہر کے بعد دارالحکومت بیجنگ میں 7 نئے کیسز سامنے آگئے۔

چین میں سامنے آنے والے نئے کورونا کیسز کی وجہ قریبی گوشت مارکیٹ بتائی جا رہی ہے۔ جس کے فوری بعد حکام نے 11 رہائشی علاقوں میں لاک ڈاؤن کردیا۔

چینی میڈیا کے مطابق لاک ڈاؤن والےعلاقوں میں موجود 9 اسکولوں اور کنڈرگارٹن کو بھی احتیاطی تدابیر کے تحت بند کردیا گیا ہے۔

واضح رہے کہ چین میں گزشتہ سال کے اختتام پر سب سے پہلے مہلک بیماری کا پتہ چلا تاہم کورونا کے پہلے کیس کی تصدیق رواں سال 15 جنوری کو ہوئی۔

چین میں کورونا کا پہلا کیس ووہان سے سامنے آیا، جوکہ کورونا سے سب سے زیادہ متاثرہ ہوا تھا۔ ووہان میں حکومت کی جانب سے مکمل لاک ڈاؤن رہا اور کسی کو گھر سے نکلنے کی اجازت نہیں تھی۔

مہلک وبا نے چین میں اب تک 83 ہزار سے زائد افراد کو متاثر کیا ہے جبکہ اموات کی تعداد ساڑھے 4 ہزار سے زائد ہے۔