پب جی گیم کے صارفین محتاط ہو جائے کیونکہ اب پب جی گیم کی مدد سے آئی فون صارفین کی جاسوسی کی جارہی ہے۔

تفصیلات کے مطابق  موبائل فون کی سیکیورٹی پر نظر رکھنے والی کمپنی کے ماہرین نے انکشاف کیا ہے کہ پب جی گیم کی مدد سے آئی فون صارفین کی جاسوسی کی جارہی ہے۔

اس کمپنی نے یہ بھی بتایا کہ پب جی گیم کے علاوہ دیگر 53 ایپس ہیں جس کی مدد سے فون صارفین کی جاسوسی کی جارہی ہے۔

غیر ملکی خبر رساں ادارے کے مطابق موبائل اور سائبر سیکیورٹی پر نظر رکھنے والے ماہرین نے آئی فون صارفین کی حساس معلومات کی جاسوسی کے حوالے سے تحقیق کی جس کے بعد اس بات کا علم ہوا کہ صارفین کے موبائل کی جاسوسی کی جا رہی ہے۔

موبائل کی جاسوسی کے حوالے سے ماہرین نے بتایا کہ لپ سنکنگ کے ذریعے ٹک ٹاک اور پب جی سمیت 53 ایپس آئی فون صارفین کی جاسوسی کرنے میں مصروف ہیں۔

خیال رہے کہ مذکورہ ایپس کی مدد سے صارفین کے کلپ بورڈ کی حساس معلومات کی جاسوسی کی جارہی ہے۔

یاد رہے کہ ماہرین کے مطابق صارفین کی حساس معلومات میں فون کا پاسورڈ، کرپٹو کرنسی، والٹ ایڈریس، اکاؤنٹ ری سیٹ لنکس، آئی کلاؤڈ اور ذاتی پیغامات پر نظر رکھنا شامل ہے۔

دوسری جناب تحقیقی ماہرین نے ایک بار پھر سوال اٹھایا کہ ہمیں یہ بات سمجھ نہیں آئی کہ مذکورہ ایپس کے ذریعے صارفین کی جاسوسی کیوں کی جارہی ہے اور ایپل انتظامیہ نے ان کمپنیوں کے خلاف ایکشن کیوں نہیں لیا۔

واضح رہے کہ ماہرین نے بتایا  کہ تین ماہ بعد بھی آئی فون انتظامیہ نے مذکورہ ایپس کو اسٹور سے نہیں ہٹایا اور نہ ہی صارفین کو اس حوالے سے آگاہ کیا، مذکورہ کمپنیاں تاحال جاسوسی کررہی ہیں۔