آج سے مون سون بارشوں کا آغاز

شبین رضا

03rd Jul, 2020. 10:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج سے مون سون بارشوں کا آغاز

ملک بھر میں مون سون بارشوں کا آج سے آغاز ہوگا۔

تفصیلات کے مطابق مون سون بارشوں کا آج سے آغاز ہوگا، ڈیزاسٹر مینجمنٹ اتھارٹی نے مون سون کے دوران نالوں میں طغیانی کا خدشہ ظاہرکرتے ہوئے الرٹ جاری کر دیا، شام سے ہی ہوائوں کا سلسلہ شروع ہو جائے گا۔

پی ڈی ایم اے کے نوٹیفکیشن کے مطابق مون سون کا ایکٹو فیز آج پنجاب میں داخل ہو جائے گا، یہاں پہلا سپیل جمعہ سے منگل تک رہے گا۔

موسلا دھار بارش سے ہفتہ اور اتوار کو پنجاب، خیبر پختونخوا، کشمیر کے مقامی ندی نالوں اور پشاور، راولپنڈی، گوجرانوالہ، فیصل آباد اور لاہور میں سیلابی صورتحال کا سامنا کرنا پڑ سکتا ہے۔

محکمہ موسمیات نے اس سال 20 فیصد زیادہ بارشوں کی پیشگوئی کی ہے۔

ترجمان کے مطابق آج شام بارش کا سلسلہ شروع ہوگا تاہم چند علاقوں میں صرف آندھی چلے گی۔

لاہور سمیت صوبہ پنجاب کے مختلف شہروں راولپنڈی، جہلم، اٹک، چکوال، گوجرانوالہ، گجرات، ملتان، ڈی جی خان، بہاولپور اور بہاولنگر میں شام اور رات کو آندھی اور گرج چمک کیساتھ بارش کا امکان ہے جبکہ صوبہ کے دیگر علاقوں میں موسم گرم اور مرطوب رہنے کی توقع ہے۔