مکہ مکرمہ میں مسجد حرام کے سب سے بڑے دروازے “باب ملک عبدالعزیز” کو رواں سال حج سیزن کے دوران کھول دینے کا فیصلہ کیا گیا ہے۔
یہ حرم شریف میں جاری ترقیاتی منصوبوں کے پیکج میں شامل ایک اہم منصوبہ ہے۔
عرب خبررساں ادارے کے مطابق مذکورہ فیصلہ مسجد حرام اور مسجد نبوی کے امور کے سربراہِ عام شیخ عبدالرحمن السدیس کی جانب سے باب عبدالعزیز کے کام کا جائزہ لینے کے موقع پر سامنے آیا۔ اس موقع پر شیخ السدیس نے منصوبے کے انجینئروں اور تمام کارکنوں کی محنت کو سراہا۔
شیخ السدیس نے واضح کیا کہ حرمین شریفین کے امور کی جنرل پریذیڈنسی کورونا کے پھیلاؤ کو روکنے اور حجاج بیت اللہ کی سلامتی کو یقینی بنانے کے لیے تمام تر احتیاطی اقدامات اور حفاظتی تدابیر عمل میں لا رہی ہے۔
AdvertisementAfter a recent brief inspection of the King Abdulaziz Gate at Masjid Al Haram, President of the Haramain Sheikh Abdul Rahman Sudais approved its official opening in time for the Hajj season 1441 Hijri / 2020 and praised the efforts of the engineers and construction workers.#Hajj pic.twitter.com/ZhhdHqXjLk
— 𝗛𝗮𝗿𝗮𝗺𝗮𝗶𝗻 (@HaramainInfo) July 21, 2020
انہوں نے مزید کہا کہ “ہم حجاج کرام کے آرام ، سکون اور راحت کو یقینی بنانے کے شدید خواہاں ہیں تا کہ وہ مکمل اطمینان اور سہولت کے ساتھ اپنے مناسک ادا کر سکیں۔
جنرل پریذیڈنسی کی خواہش ہے کہ وہ اللہ کے مہمانوں کی بہترین خدمت کے حوالے سے مملکت کی دانش مند قیادت کی امیدوں اور توقعات پر پورا اترے”۔
باب ملک عبدالعزیز کے اندرونی اور بیرونی جانب استعمال ہونے والے سنگ مرمر کا حجم 3000 مربع میٹر سے زیادہ ہے۔
میناروں کی تکمیل پر اس کی مجموعی بلندی 137 میٹر ہو گی۔ باب ملک عبدالعزیز کی بلندی 51 میٹر اور اس کی چوڑائی 39 میٹر ہے۔ دروازے میں داخلے کے لیے تین کمانی محرابیں بھی ہیں جن میں ہر ایک کی بلندی 20 میٹر اور چوڑائی 5 میٹر ہے۔
باب ملک عبدالعزیز” کے کام کے حتمی مراحل کی تکمیل کے لیے 500 کارکنان مصروف ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News