طالبان کی جانب سے بین الافغان مذاکرات کے عمل کو آگے بڑھانے کے لیے کابل انتظامیہ کے مزید اہلکار رہا کردئیے گئے۔

غیر ملکی  خبررساں  ادارے  کے  مطابق قطر میں افغان طالبان کے سیاسی دفتر کے ترجمان سہیل شاہین نے مائیکرو بلاگنگ  ویب سائٹ ٹوئٹر پر بتایا کہ افغان فوج اور پولیس سے تعلق رکھنے والے مزید 37 اہلکاروں کو رہا کیا گیا۔

Today, a total of 37 soldiers and policemen of the Kabul Administration (20 in Takhar and 17 in Kunduz provinces) were released from prisons of the Islamic Emirate and sent to their families after they were given financial help for transportation fare.

— Suhail Shaheen (@suhailshaheen1) July 26, 2020

سہیل  شاہین نے بتایا کہ صوبہ تخار سے 20 اور قندوز سے 17 قیدیوں کو رہا کیے جنہیں گھر جانے کے لیے سفری اخراجات بھی دیئے گئے ہیں ۔

خیال رہے کہ گزشتہ دنوں افغان طالبان نے عید الاضحیٰ کے بعد بعد بین الافغان مذاکرات میں شرکت کے لیے مشروط آمادگی ظاہر کی تھی۔

واضح  رہے کہ گزشتہ دنوں افغان حکومت کی جانب سے بیان سامنے آیا تھا کہ ان کی جانب سے 4 ہزار سے زائد طالبان کو رہا کیا جاچکا ہے تاہم طالبان کی جانب سے فراہم کی گئی فہرست کے 600 قیدیوں کو ان پر قائم جنگی نوعیت کے مقدمات کی وجہ سے رہا نہیں کیا جاسکتا۔