شیخوپورہ، ٹرین حادثے کی تحقیقاتی رپورٹ شیخ رشید کو پیش

Now Reading:

وفاقی وزیر ریلوے شیخ رشید کو شیخوپورہ ٹرین حادثے کی ابتدائی تحقیقاتی رپورٹ پیش کردی گئی۔

تفصیلات کے مطابق وفاقی وزیر ریلوے کی زیر صدارت لاہورمیں اجلاس ہوا جس کے دوران گزشتہ روز شیخوپورہ ٹرین حادثے میں ہلاکتوں پراظہارافسوس کیا۔

اجلاس کے دوران ریلوے انتظامیہ کی جانب سے شیخوپورہ ٹرین حادثے کی ابتدائی تحقیقاتی رپورٹ شیخ رشید کو پیش کی گئی۔

اجلاس میں ریلوے مسافر، زمین اورفریٹ آمدن پر بریفنگ دینے کے ساتھ ساتھ تیل کی قیمت بڑھنے سے ریلوے آمدن پراثرات بھی زیر بحث لائے گئے۔

اس موقع پر اجلاس سے خطاب کرتے ہوئے شیخ رشید نے کہا کہ ہمیں میرٹ کے مطابق اور ریلوے کی بہتری کے لیے کام کرنا ہے، میری زندگی کا مقصدریلوےکی بہتری ہے۔

واضح رہے کہ گزشتہ روز شیخوپورہ ٹرین حادثے میں 22 افراد جان کی بازی ہارگئے۔