ترکی میں ’خلافت بحال کرو‘ تحریک شروع ہوگئی

ثمرا مظہر

28th Jul, 2020. 12:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترکی میں ’خلافت بحال کرو‘ تحریک شروع ہوگئی

قدیم آیا صوفیہ عمارت کی مسجد میں تبدیلی کے بعد ترکی میں خلافت کی بحالی کی تحریک شروع ہوگئی ہے، اور اسلام پسند وں نے صدر طیب اردوان سے مطالبہ کردیا ہے کہ وہ خلافت کو بحال کریں۔

اس حوالے سے ترک جریدہ

Gercek Kayat

نے تازہ شائع ہونے والے اپنے شمارے میں شہ سرخی لگائی ہے کہ ’آو خلافت کے لئے تحریک چلائیں ‘۔ جریدے نے صدر اردوان کو مخاطب کرتے ہوئے لکھا ہے کہ جناب صدر خلافت اب نہیں تو کب ؟آپ نہیں تو پھر کون اس کااہل ہے.

ترک صدر اردوان کی حکومت کے قریب سمجھے جانے والے جریدے نے یہ مضمون عربی اورانگریزی میں بھی شائع کیاہے ، اس طرح بحالی خلافت کا پیغام پوری دنیا کے مسلمانوں تک پہنچانے کی کوشش کی گئی ہے، جریدے نے لکھا ہے کہ ’اے آیا صوفیہ اب تم اورترکی دونوں آزاد ہوچکے ہیں‘۔

جریدے کے مارکیٹ میں آنے کے ساتھ ہی ترکی میں سوشل میڈیا پر ’’خلافت ‘‘ کا لفظ ٹاپ ٹرینڈ بن گیا، جس سے ترک عوام کی خلافت میں بڑھتی دلچسپی کا پتہ چلتا ہے، دوسری طرف آیا صوفیہ مسجد میں ترکی اوربیرون ملک سے بھی ہزاروں مسلمان جوق در جوق نماز پڑھنے کے لئے آرہے ہیں اور پیر کوبھی وہاں تل دھرنے کوجگہ نہیں تھی۔