سعودی وزارت صحت کا کہنا ہےکہ کسی بھی عازم حج میں کورونا کی تصدیق نہیں ہوئی ہے۔

ترجمان کا مزید کہنا تھا کہ ارکان حج کی ادائیگی کے دوران حاجیوں کو کسی بھی قسم کی فوری طبی امداد اور ان کی صحت کی بہتری کے لیے ہر 50 حاجیوں کے گروپ کے ساتھ ایک طبی ورکر بھی مقرر کیا گیا ہے۔

.@SaudiMOH announces:

“Zero” cases of COVID-19 in the first day of #Hajj pilgrimage #InPeaceAndSecurity pic.twitter.com/Z76tN4oODg

Advertisement

— Foreign Ministry 🇸🇦 (@KSAmofaEN) July 29, 2020

سعودی وزارت صحت کے ترجمان کے مطابق حکومت حاجیوں کو صحت کی تمام سہولیات فراہم کررہی ہے جس کے تحت مقدس مقامات پر 6 اسپتال، 51 کلینکس، 200 ایمبولینس، 62 فیلڈ ٹیمیں، فیلڈ اسپتال اور موبائل کلینک سمیت حاجیوں کی رہائش گاہوں پر 3 کلینک بھی قائم کیے گئے ہیں۔

Hajj pilgrims are safely performing Hajj rituals (Tawaf) while committing to all health measures. pic.twitter.com/C5eAdLLlWu

— Foreign Ministry 🇸🇦 (@KSAmofaEN) July 29, 2020

دوسری جانب گورنر مکہ کا کہنا ہےکہ اس سال محدود حج کے باوجود مختلف محکموں کے 40 ہزار اہلکار عازمین کی خدمت پر مامور ہیں جبکہ حج وعمرہ زائرین کے لیے خصوصی ائیر پورٹ کا منصوبہ زیرغور ہے، خصوصی ائیرپورٹ مکہ مکرمہ کے الفیصلیہ محلے میں قائم کیا جائے گا جو میدان عرفات سے قریب ہوگا۔

حج کے دوران شیطان کو کنکریاں مارنے کا رکن زمینی اور تیسری منزل سے کرائی جائے گی اور دونوں منزلوں پر شیطان کو کنکریاں مارنے کے انتظامات مکمل کرلیے گئے ہیں، حاجیوں کو رہائش سے جمرات کے پل لانے کے لیے گالف گاڑیوں کا انتظام کیا گیا ہے جبکہ جمرات کی رمی کے وقت سماجی فاصلہ برقرار رکھنے کے لیے علامتیں چسپاں کی گئی ہیں۔

اس کے علاوہ موسم خوشگوار بنانے  اور سڑکوں کا درجہ حرارت کم کرنے کے لیے پھوار کا انتظام بھی کیا گیا ہے۔