موسمیات نے کراچی میں 7 اور 8 اگست کو پہلے سے زیادہ بارشیں برسنے کی پیشگوئی کردی۔
محکمہ موسمیات نے خبردار کرتے ہوئے کہا ہے کہ شدید بارشوں کے سبب شہر سمیت زیریں سندھ میں اربن فلڈنگ کا خطرہ ہوسکتا ہے ۔
محکمہ موسمیات کے مطابق رن آف کچھ اور خلیج بنگال میں بننے والے ہوا کے کم دباؤ کا سسٹم یکجا ہوکر 6 اگست کو سندھ میں داخل ہوگا اور بارش کے ساتھ سیلابی صورتحال پیدا ہونے کا امکان ہے۔
ذرائع موسمیات کے مطابق خلیج بنگال میں کم ہوا کے دو مختلف دباؤ بن رہے ہیں اور یہ دونوں سسٹم گجرات کے قریب ملنے کے بعد سندھ میں داخل ہوجائیں گے۔
محکمہ موسمیات کا کہنا ہے کہ یہ سسٹم 6 اگست سےسندھ کے ساحلی علاقوں پر اثرانداز ہوسکتا ہیں، اس سسٹم نے اپنے امکان کو حقیقت میں بدلا تو کراچی سمیت زیریں سندھ میں بارش بھی ہوسکتی ہے اور اربن فلڈنگ کا خطرہ بھی رہے گا۔
خیال رہے کہ محکمہ موسمیات نے یہ پیش گوئی بھی کی ہے کہ حالیہ مون سون کے دوران پہلے سے زائد بارشیں ہوں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News