اسکولوں کی فیسوں میںطلبہ کو 20 فیصد رعایت تو ملی نہیں، سندھ حکومت نے بھی فیصلہ واپس لے لیا۔
تفصیلات کے مطابق عالمی وباء کورونا کے پیش نظر سندھ ایمرجنسی ریلیف ایکٹ سے نجی اسکولوں میں 20 فیصد فیس رعایت کی شق ختم کر دی گئی۔
محکمہ تعلیم نے نجی اسکولوں کی فیس میں 20 فیصد رعایت ختم کرنے کا نوٹیفکیشن جاری کر دیا اور نوٹیفیکیشن کا اطلاق یکم اکتوبر سے ہوگا۔
نوٹیفکیشن کے مطابق صوبائی کابینہ کے اجلاس میں فیس رعایت ختم کرنے کا فیصلہ کیا گیا تھا۔
یاد رہے اس سے قبل پنجاب کے وزیر تعلیم اور محکمہ تعلیم سندھ نے کورونا وائرس کے باعث حالیہ لاک ڈاؤن کی وجہ سے اسکولوں کی بندش کو گرمیوں کی تعطیلات قرار دیے جانے پر فیسوں میں 20 فیصد کمی کرنے کی ہدایت دی تھی۔
بول نیوز کی نشاندہی پر محکمہ تعلیم سندھ نے ایکشن لیتے ہوئے ہر نجی اسکول کو اپریل اور مئی کی فیسوں میں کم از کم 20 فیصد رعایت دینے کا پابند کردیا تھا جبکہ پنجاب کے وزیر تعلیم مراد راس نے صوبے کے تمام نجی اسکولوں کی فیسوں میں 20 فیصد کمی کرنے کی ہدایت جاری کر دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News