حکومت نے پیٹرولیم مصنوعات کی قیمتیں برقرار رکھنے کا فیصلہ کرلیا ہے۔
تفصیلات کے مطابق حکومت نے پیٹرولیم مصنوعات کی قیمتیں برقرار رکھنے کا فیصلہ کرلیا ، وزارت خزانہ نے پیٹرول کی قیمت کے حوالے سے اعلامیہ جاری کردیا۔
اعلامیے میں کہا گیا ہے کہ پیٹرول کی قیمت 103.97 روپے فی لیٹر برقرار رہے گی جبکہ ہائی اسپیڈ ڈیزل کی قیمت 104 روپے 6 پیسے برقرار رہے گی۔
وزارت خزانہ کی جانب سے جاری اعلامیے میں مزید کہا گیا ہے کہ مٹی کا تیل 65.29 روپے فی لیٹر برقرار رہے گا جبکہ لائٹ ڈیزل 62.86 روپے فی لیٹر برقرار رہے گا۔
واضح رہے گزشتہ روز پٹرولیم مصنوعات کی قیمتوں میں معمولی کمی کے حوالے سے اوگرا نے پٹرولیم مصنوعات کی قیمتوں کی سمری پٹرولیم ڈویژن کوارسال کی تھی۔
ذرائع کا کہنا تھا کہ لیوی میں کمی کرکے عوام کو معمولی ریلیف دیا جاسکتا ہے،پٹرول پر27روپے32پیسے فی لٹر پٹرولیم لیوی عائد ہے جبکہ ڈیزل پر 30 روپےفی لٹر پٹرولیم لیوی عائد ہے اور مٹی کے تیل پر 11روپے 43پیسے فی لٹر پٹرولیم لیوی عائد ہے۔
ذرائع کا مزید کہنا تھا کہ وزیراعظم کی مشاورت سےپٹرولیم مصنوعات کی قیمتوں میں ردودبدل کا اعلان وزارت خزانہ کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News