ایک نئی تحقیق میں عالمی وبا کورونا وائرس سے متعلق انکشاف کیا گیا ہے کہ نیا کورونا وائرس انسانی جلد پر 9 گھنٹوں تک زندہ رہ سکتا ہے۔
تفصیلات کے مطابق اس تحقیق کے بعد جاری کی گئی رپورٹ میں ہاتھوں کی صفائی اور ماسک کے استعمال کی اہمیت پر زور دیا گیا ہے۔
ماہرین کا اس سلسلے میں کہنا ہے کہ اگر بار بار ہاتھ نہ دھوئے جائیں تو نیا کورونا وائرس ہاتھوں پر کم سے کم 9 گھنٹوں تک زندہ رہ سکتا ہے جس کے نتیجے میں اس کے پھیلنے کے خدشات موجود ہیں۔
واضح رہےکہ تحقیق میں مزید کہا گیا ہے کہ انفلوئنزا وائرس انسانی جلد پر دو گھنٹے جبکہ کورونا وائرس انسانی جلد پر نو گھنٹوں تک زندہ رہتا ہے مگر ان دونوں وائرس کو صرف 15 سیکنڈ میں 80 فیصد الکوحل پر مشتمل ہینڈ سینیٹائزر کا استعمال کر کے ختم کیا جا سکتا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News