چیئرمین نیب جسٹس ر جاوید اقبال کی زیر صدارت اجلاس ہوا جس میں میگا کرپشن کیسز میں پیش رفت کا تفصیلی جائزہ لیا گیا۔
بریفنگ کے دوران کہا گیا کہ نیب راولپنڈی جعلی اکاونٹس سیکنڈل کے اب تک 10ریفرنسز دائر کر چکی ہے جبکہ جعلی اکاونٹس کے 12کیسز انوسٹی گیشن ، 21کیسز انکوائری کے مراحل میں ہے۔
بریفنگ میں یہ بھی کہا گیا کہ نیب راولپنڈی جعلی اکاونٹس سکینڈل میں کل 43 کیسز میں اب تک دس ریفرنسز احتساب عدالتوں میں دائر چکا ہے جبکہ پلی بارگین اور اراضی کی مد میں نیب راولپنڈی اب تک 23ارب وصول کر چکی ہے۔
نیب ذرائع کے مطابق جعلی اکاﺅنٹس کیس کے ملزمان میں سابق صدرآصف علی زرداری، سابق وزیر اعظم میاں محمد نواز شریف، یوسف رضا گیلانی ، خواجہ انور مجید، خواجہ عبدالغنی گروپ، منظور قادر کاکا، اعجاز احمد خان ، متانت علی خان، سمیع الدین صدیقی، لیاقت علی خان،محمد حسین سید، سابق صدر سندھ بینک بلال شیخ اور سابق صدر عارف حببب حسین لوائی بھی ملزمان میں شامل ہے۔
نیب ذرائع کا کہنا ہے کہ جعلی اکاونٹس کیس میں 64ملزمان کے وارنٹ گرفتاری جاری کئے گئے جن میں سے بارہ ملزمان کو اشتہاری قرار دے دیا گیا جبکہ اٹھارہ ملزمان کو پلی بار گین قوانین کے تحت سزائیں دی گئی ہے۔
نیب ذرائع کا یہ بھی کہنا ہے کہ آصف علی زرداری، نواز شریف، یوسف رضا گیلانی فریال تالپوراور خواجہ انور مجید سمیت 186ملزمان کے نام ای سی ایل میں ڈالے جا چکے ہیں۔
نیب ذرائع کا مزیدکہنا ہے کہ سابق صدر آصف علی زرداری 4 کیسز میں ملزم نواز شریف 1کیس میں ملزم نامزد ہیں جبکہ سابق وزیراعظم یوسف رضا گیلانی1 کیس، فریال تالپور1 کیس اور خواجہ انور مجید (اومنی گروپ) 9 کیسون میں ملزم نامزد کیے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News