وزیر خارجہ شاہ محمود قریشی نے کہا ہے کہ اپوزیشن سے ملکی ترقی ہضم نہیں ہو رہی۔
تفصیلات کے مطابق وزیر خارجہ شاہ محمود قریشی نے ملتان سے جاری ایک بیان میں کہا کہ کورونا کے باوجود ملک میں ترقی کا سفر جاری رہا اس لئے پاکستان کو غیر مستحکم کرنے کی سازشیں ہو رہی ہیں
وزیر خارجہ نے کہا کہ کچھ لوگ ان سازشوں کاحصہ بن کر ملک کو نقصان پہنچا رہے ہیں ملکی وحدت پارہ پارہ کرنے والی قوتیں شکست سے دو چار ہونگی۔
شاہ محمود قریشی نے یہ بھی کہا کہ ماضی میں حکمرانوں نے ملکی دولت لوٹی اور بیرون ملک جائیدادیں بنائیں ہماری حکومت کے کسی بھی عہدیدار کا کوئی کرپشن سکینڈل ابھی تک سامنے نہیں آیا۔
اپنے بیان میں وزیر خارجہ شاہ محمود قریشی نے اپوزیشن کا آڑے ہاتھوں لیتے ہوئے کہا ہے کہ اپوزیشن کی رکاوٹوں کے باوجود ملکی ترقی کا سفر جاری رہے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News