وزیراعظم عمران خان کا کہنا ہے کہ حضرت محمدﷺ سے متعلق فرانسیسی مصنف کا قول میرے پسندیدہ ترین اقوال میں سے ایک ہے۔
وزیر اعظم نے مائیکرو بلاگنگ ویب سائٹ ٹوئٹر پر حضرت محمدﷺ سے متعلق فرانسیسی مصنف الفونسے ڈی لامرٹائن کا قول شیئر کیا ہےجس میں فرانسیسی مصنف نے حضرت محمدﷺ کی شخصیت کو دنیا میں لاثانی قرار دیا ہے۔
گزشتہ روز وزیراعظم عمران خان نے گستاخانہ خاکوں کے معاملے پر اسلامی ممالک کے سربراہان کو خط لکھا ہے اور درخواست کی ہے کہ سب توہین رسالت اور اسلاموفوبیا کے خلاف متحد ہوکر پوری دنیا کو واضح پیغام دیں۔
ان کا کہنا تھا کہ ہمیں یہودیوں کی ہولوکاسٹ کے خلاف آواز اٹھانے کا طریقہ کار اختیار کرنا ہوگا اور مغرب کو بتانا ہو گا کہ نبی پاکﷺ کی ذات ہمارے لیے کتنی مقدس ہے۔
وزیراعظم نے کہا کہ مغربی ممالک کی ہولوکاسٹ پر تنقید پر پابندی کی پالیسی کا احترام کرتے ہیں انہیں چاہئے کہ وہ مسلمانوں کے عقائد کا بھی احترام کریں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
