پاکستان مسلم لیگ (ن) کی ترجمان مریم اورنگزیب نے کہا ہے کہ ووٹ چور صرف گھٹیا ہی نہیں بلکہ ظالم اور بے حس بھی ہیں۔
تفصیلات کے مطابق پاکستان مسلم لیگ (ن) کی ترجمان مریم اورنگزیب نے اپنے ایک بیان میں وزیراعظم عمران خان اور شہزاد اکبر کو صحت و وفات پر سیاست اور جھوٹ نہ بولنے کا مشورہ دے دیا۔
مریم اورنگزیب نے کہا کہ یہ ہے عمران صاحب اور شہزاد اکبر کی گھٹیا دماغی حالت کہ کبھی صحت اورکبھی کسی کی والدہ کی موت پر سیاست کررہے ہیں۔
پاکستان مسلم لیگ (ن) کی ترجمان نے یہ بھی کہا کہ حکمرانوں کے گھٹیا پن کا ثبوت یہ ہے کہ والدہ کی وفات کے چھ دن بعد شام چار بجکر پندرہ منٹ پر شہبازشریف اور حمزہ شہباز کورہا کیاگیا۔
مریم اورنگزیب کا کہنا تھا کہ حکمرانوں میں کوئی انسانیت یا شرم ہوتی تو وفات کے دن ہی شہبازشریف اورحمزہ شہبازکو رہا کیاجاتا۔
پاکستان مسلم لیگ (ن) کی ترجمان نے کہا کہ14 دن کی درخواست دی گئی تھی، لیکن عمران صاحب کے حکم پر پانچ دن کے پیرول کی اجازت دی گئی جبکہ پیرول حکومت کا کوئی احسان نہیں بلکہ شہبازشریف اور حمزہ شہباز کا قانونی حق تھا۔
مریم اورنگزیب نے یہ بھی کہا کہ گھٹیا پن، بے شرمی ، بے حسی اور چھوٹے پن کا مظاہرہ نہ ہوتا تو شہبازشریف کی چودہ دن کے پیرول کی درخواست منظور کی جاتی۔
پاکستان مسلم لیگ (ن) کی ترجمان مریم اورنگزیب نے مزید کہا کہ آپ نالائق، نااہل، آٹا چینی چور اور کرپشن کے بے تاج بادشاہ تو ہیں ہی، لیکن قوم نے آپ کے گھٹیا اور چھوٹے پن کی انتہاءبھی جان لی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News