عالمی وبا کی صورتحال، وزیراعظم کا قوم کو اعتماد میں لینے کا فیصلہ

شبین رضا

24th Nov, 2020. 10:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عالمی وبا کی صورتحال، وزیراعظم کا قوم کو اعتماد میں لینے کا فیصلہ

وزیراعظم عمران خان نے کوویڈ 19 کی صورتحال پر قوم کو اعتماد میں لینے کا فیصلہ کیا ہے۔

تفصیلات کے مطابق وزیراعظم آج قومی رابطہ کمیٹی کے اجلاس کے بعد قوم سے خطاب کریں گے اورملک میں کورونا کی صورتحال پر اظہار خیال کریں گے۔

ذرائع کے مطابق وزیراعظم حکومتی اقدامات سے قوم کو آگاہ کریں گے ، اسمارٹ لاک ڈاؤن سمیت دیگر معاملات پر غور ہو گا۔

خطاب کے دوران وزیراعظم ماسک کے استعمال، ایس او پیز پر عمل درآمد کی اپیل بھی کریں گے۔

قومی رابطہ کمیٹی کے اجلاس میں تعلیمی اداروں کی بندش کے فیصلوں کی حتمی منظوری بھی دی جائے گی۔

ذرائع کے مطابق وزیراعظم عمران خان کی زیر صدارت منعقد ہونے والے اجلاس میں این سی او سی اور صحت و تعلیم کے اعلیٰ حکام شرکت کریں گے۔

وزیراعظم کے زیر صدارت ہو نے والے قومی رابطہ کمیٹی اجلاس میں آج اہم فیصلے متوقع ہیں۔