پاکستان مسلم لیگ (ن) کی ترجمان مریم اورنگزیب نے کہا ہے کہ عمران صاحب آپ کی نالائقی ، نااہلی اور چوری نے پاکستان کو افریقہ بنا دیا ہے۔
تفصیلات کے مطابق پاکستان مسلم لیگ (ن) کی ترجمان مریم اورنگزیب نے وزیراعظم عمران خان کے فیصل آباد میں تاجروں سے خطاب پر ردعمل دیتے ہوئے کہا کہ عمران صاحب جن تاجروں سے خطاب کر رہے تھے ان کا معاشی قتل کر چکے ہیں
پاکستان مسلم لیگ (ن) کی ترجمان نے کہا کہ زبردستی سرکاری تقریب میں لایا جا سکتا ہے لیکن نعروں سے ان کی معاشی ترقی نہیں کر سکتے۔
مریم اورنگزیب نے یہ بھی کہا کہ پاکستان کی معیشت نواز شریف کی قیادت میں خطے میں تمام ملکوں سے آگے جا رہی تھی اور پھر آپ کی کرپشن ،نالائقی ونااہلی کے سیاہ بادل چھا گئے۔
پاکستان مسلم لیگ (ن) کی ترجمان کا کہنا تھا کہ تاریخی مہنگائی ، تاریخی قرض، تاریخی نااہلی ، تاریخی چوری آپ کی جھوٹی سیاست کی سیاہ تاریخ کا حصہ بن چکی ہے
مریم اورنگزیب کا یہ بھی کہنا تھا کہ پاکستان اور فیصل آباد کے تاجر سب جانتے ہیں، آپ کے اعلان ایک کروڑ نوکریوں اور ایک لاکھ گھروں والے ہیں۔
پاکستان مسلم لیگ (ن) کی ترجمان مریم اورنگزیب کا مزید کہنا تھا کہ پاکستان کے تاجرجانتے ہیں کہ آپ کے اعلان انڈے ، کٹوں ، بھینسوںاور مرغیوں سے معیشت ٹھیک کرنے والے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News