کورونا کی دوسری لہر انتہائی خطرناک ثابت ہورہی ہے، ماہرینِ صحت نے بھی لوگوں کو کورونا کی بگڑتی ہوئی صورتحال سے خبردار کرتے ہوئے ایس او پیز پرسختی سے عمل کرنے کی درخواست کی ہے۔

رپورٹس کے مطابق  پاکستان اب تک دس ہزار سے زائد  ہیلتھ ورکرز کورونا سے متاثرہوچکے ہیں، جن میں کورونا کیخلاف صفِ اول میں خدمات انجام دینے والے ڈاکٹرز، نرسز اور دیگر عملہ شامل ہے.
دنیا بھر میں 3لاکھ 70ہزار سے زائد کورونا کے مریض موجود ہیں جب کہ اموات کی تعداد7ہزار700ہے.جون ہوپکنس یونیورسٹی امریکہ کی تحقیقاتی رپورٹ کے مطابق کورونا سے متاثر ہونے والے  ممالک میں پاکستان کانمبر 28واں ہے.

نیشنل ہیلتھ سروس کی رپورٹ کے مطابق ملک میں اب تک 10،050 ہزاز ہیلتھ ورکرز کا کورونا ٹیسٹ مثبت آیا ہے جبکہ 98 افراد انتقال کرچکے ہیں. کورونا سے متاثر ہونے والے ڈاکٹرز کی شرح 63فیصد ہے.

سب سے زیادہ ہیلتھ ورکرز خیبرپختونخواہ میں متاثر ہوئے ہیں جن کی تعداد 2،686 ہے.پنجاب 2638 مریضوں کے ساتھ دوسرے،سندھ 2578 کے ساتھ تیسرے جبکہ دارالحکومت  867 مریضوں کے ساتھ چوتھے نمبر پر ہے. بلوچستان میں 611،آزاد جموں کشمیر 460 اور گلگت بلتستان میں  کورونا  سے متاثر ہونے والے ہیلتھ ورکرز کی تعداد 210 ہے.

کورونا سے متاثر ہونے والے ہیلتھ ورکرز کی سب سے زیادہ اموات سندھ میں ہوئیں ہیں جن کی تعداد 34 ہے جبکہ خیبرپختونخواہ میں اب تک 24 افرادانتقال کرچکے ہیں۔