جماعت اسلامی کے سینیٹر سراج الحق نے کہا ہےکہ پی ٹی آئی کی حکومت نے کشمیر کو مکمل طور پر فراموش کر دیا۔
تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ حکومت اپوزیشن سے نمٹنے کی پالیسیاں بنانے کی بجائے عوامی مسائل کو سنجیدگی سے لے تو بہتر ہو گا۔
امیر جماعت اسلامی نے کہا کہ وزیراعظم نے لوگوں کو مرغیاں اور کٹے پالنےکے مفت مشورے ہی فراہم کیے، ڈھائی برسوں میں حکومت کے کریڈٹ پر چند لنگرخانوں کی تعمیرکے علاوہ اور کچھ نہیں۔
سراج الحق نے یہ بھی کہا کہ عوام روٹی دال کے لیے پریشان، 44فیصد بچے سکولوں سے باہر ہیں، لاکھوں نوجوان روزگار کے لیے مارے مارے پھر رہے ہیں۔
امیر جماعت اسلامی کا کہنا تھا کہ چترال سے لے کر کراچی تک حکومت کی ناکامیوں کی داستان ہر جگہ پھیل چکی جبکہ اندرون سندھ اور کراچی کے حالات بیان کرنے کے قابل نہیں۔
Advertisement
سراج الحق کا یہ بھی کہنا تھا کہ کراچی کی حالت بدلنے کے لیے اربوں روپے کے پیکجز کاغذوں تک محدود رہے جبکہ کے پی میں بھی ترقی کا پہیہ الٹا گھوم رہا ہے۔
امیر جماعت اسلامی سراج الحق کا مزید کہنا تھا کہ بدامنی اور غربت نے بلوچستان میں ڈیرے جمائے ہوئے ہیں جبکہ پنجاب میں بھی عوام مہنگائی اور بے روزگاری کے ہاتھوں تنگ ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
