رابی پیرزادہ کی رکشہ چلانے کی ویڈیو وائرل
اسلام کی خاطرشوبز انڈسٹری کی دنیا سے کنارہ کشی اختیار کرنے والی...
پاکستان شوبز انڈسٹری کی سابق گلوکارہ نے شوبز انڈسٹری کے حوالے سے بیان جاری کردیا۔
تفصیلات کے مطابق سال 2019 میں شوبز انڈسٹری سے کنارہ کشی اختیار کرنے والی رابی پیرزادہ کہتی ہیں کہ وہ شوبز کی جعلی دُنیا کو خیرباد کہہ کر بہت خوشی محسوس کرتی ہیں۔
رابی پیرزادہ نے مائیکرو بلاگنگ سائٹ ٹوئٹر پر وہ محبت بھرے پیغامات شیئر کیے ہیں جو اُنہیں اُن کے چاہنے والوں کی جانب سے بھیجے گئے۔
رابی پیرزادہ نے اُن پیغامات کی تصاویر شیئر کرتے ہوئے لکھا کہ ’یہ محبت انمول ہے۔‘
سابقہ گلوکارہ نے کہا کہ ’جو عزت، احترام مقام مجھے اب ملا ہے وہ شوبز میں کسی کو بھی حاصل نہیں ہوسکتا۔‘
اُنہوں نے مزید کہا کہ مجھے خوشی ہے کہ میں نے جعلی دنیا چھوڑی اور حقیقی دنیا میں داخل ہوگئی۔‘
اس سے قبل رابی پیرزادہ نے اپنے ایک پیغام میں کہا تھا کہ جب اُنہوں نے گلوکاری چھوڑی تھی تو اُس وقت اُنہیں لگا تھا کہ وہ فن کے بغیر مرجائیں گی۔
دوسری جانب رابی پیرزادہ نے کہا تھا کہ اُنہوں نے اپنی بھلائی اور دین کی خاطر شوبز چھوڑا تھا لہٰذا اُنہوں نے اس خوف کے باوجود بھی پیچھے مُڑ کر نہیں دیکھا۔
واضح رہے کہ رابی پیرزادہ کا کہنا تھا کہ آج وہ اللّہ کے فضل سے مصوری کے اپنے فن کے ذریعے دُنیا بھر میں پاکستان کی نمائندگی کر رہی ہیں۔
واضح رہے کہ رابی پیرزادہ نے شوبز چھوڑنے کے بعد مصوری کو اپنا ذریعۂ معاش بنالیا ہے، اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News