نیوزی لینڈ کے خلاف کارکردگی پر ایوارڈ ملنے پر فواد عالم خوشی سے نہال ہوگئے ہیں۔
تفصیلات کے مطابق نیوزی لینڈ کے خلاف پہلے ٹیسٹ میچ کی دوسری اننگز میں شاندار سنچری بنانے والے فواد عالم نے ایوارڈ ملنے پر خوشی کا اظہار کرتے ہوئے سماجی رابطے کی ویب سائٹ ٹوئٹر پر پیغام میں لکھا کہ مجھے پاکستان کی نمائندگی کرنے میں بے خوشی ہوتی ہے، اللہ تعالیٰ مجھ پر بہت مہربان رہے۔
فواد عالم نے تمام ساتھ دینے اور سپورٹ کرنے والوں کا بھی شکریہ ادا کیا، جس کے جواب میں ان کے مداحوں نے کرکٹر کے لئے نیک خواہشات کا اظہار کیا۔
واضح رہے کہ نیوزی لینڈ کے خلاف ٹیسٹ میچ کی دوسری اننگز میں فواد عالم نے 102 رنز بنائے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News