دوسرا ٹی 20، جنوبی افریقا نے پاکستان کو شکست دیدی

ثمرا مظہر

13th Feb, 2021. 09:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دوسرا ٹی 20، جنوبی افریقا نے پاکستان کو شکست دیدی

جنوبی افریقا نے پاکستان کو دوسرے ٹی ٹوئنٹی میچ میں 6 وکٹوں سے شکست دے دی جس کے بعد تین میچوں کی سیریز 1-1 سے برابر ہوگئی ہے۔

تفصیلات کے مطابق جنوبی افریقا کیخلاف پاکستان نے پہلا میچ اپنے نام کیا تھا۔

دوسرے ٹی ٹوئنٹی میچ میں جنوبی افریقا نے پاکستان کے خلاف ٹاس جیت کر فیلڈنگ کا فیصلہ کیا، پاکستان نے پہلی اننگ کھیلتے ہوئے 7 وکٹوں پر 144 رنز بنائے اور جنوبی افریقا کو 145 رنز کا ہدف دیا۔

جنوبی افریقا کی جانب سے 16.2 اوورز میں 4 وکٹوں پر 145 رنز کا ہدف آسانی سے حاصل کرلیا گیا۔ جنوبی افریقا کے ریزا ہینڈرکس اور پٹ وان بلجون نے 42،42 رنز کی اننگز کھیلی، جے جے اسموٹس 7 اور ملان نے 4 رنز بنائے۔

جنوبی افریقا کی جانب سے ڈیوائن پریسٹوریئس نے 5 کھلاڑیوں کو آؤٹ کیا۔

پاکستان نے پہلے کھیلتے ہوئے وکٹ کیپر بیٹسمین محمد رضوان کی شاندار نصف سنچری کی بدولت 20 اوورز میں 7 وکٹوں پر 144 رنز بنائے۔

محمد رضوان 51 رنز بناکر آؤٹ ہوئے۔ کپتان بابراعظم 5 اور حیدرعلی 10 رن پر آؤٹ ہوئے جبکہ حسین طلعت 3 رنز بنا کرپویلین لوٹ گئے۔

افتخار احمد 20، خوشدل شاہ 15 اور محمد نواز بغیر کوئی رن بنائے آؤٹ ہوئے۔ فہیم اشرف 12 گیندوں پر 30 رنز اور عثمان قادر 4 رنز بناکر ناٹ آؤٹ رہے۔