پاکستان کے معروف قوال امجد صابری کے بڑے صاحبزادے مجّدد صابری نے ’پی ایس ایل 6 کے چھٹے ایڈیشن میں اپنی پسندیدہ ٹیم کے بارے میں بتادیا۔

تفصیلات کے مطابق مجّدد صابری نے اپنے آفیشل انسٹاگرام اکاؤنٹ پر سوال و جواب کا ایک سیشن رکھا جس میں اُن کے مداحوں نے اُن سے مختلف سوالات پوچھے۔

مزید پڑھیں

امجد صابری کے بیٹے مجّدد صابری کی قوالی کی ویڈیو وائرل

پاکستان کے معروف ترین قوال امجد صابری کے بڑے صاحبزادے مجّدد صابری...

 دورانِ سیشن ایک صارف نے مجّدد صابری سے پوچھا کہ ’پی ایس ایل 6 میں آپ کی پسندیدہ ٹیم کونسی ہے؟‘

مجّدد صابری نے صارف کے سوال کا جواب دیتے ہوئے کہا کہ ’کراچی کنگز اُن کی پسندیدہ ٹیم ہے۔‘

جبکہ ایک صارف نے پوچھا کہ ’آپ کو اسلام آباد اور لاہور میں سے کونسا شہر زیادہ پسند ہے؟‘

تاہم اس سوال کے جواب میں مجّدد صابری نے کہا کہ ’مجھے سب سے زیادہ کراچی پسند ہے۔‘

امجد صابری کے انتقال کے بعد اُن کے اہلخانہ لاہور میں رہائش پذیر ہوگئے ہیں، لاہور میں رہنے کے باوجود بھی وہ اب بھی کراچی سے اتنی ہی محبت کرتے ہیں جیسے اُن کے والد کیا کرتے تھے۔

گزشتہ دنوں قبل امجد صابری کے بڑے بیٹے مجّدد صابری کے فوٹو اینڈ ویڈیو شیئرنگ ایپ انسٹاگرام پر موجود آفیشل اکاؤنٹ پر فالوورز کی تعداد سات ہزار سے زائد ہوگئے ہیں۔

مجّدد صابری نے انسٹاگرام فالوورز کی تعداد میں اضافے پر اپنے تمام چاہنے والوں کا شکریہ ادا کیا تھا۔

امجد صابری کے بیٹے کے انسٹاگرام اکاؤنٹ کا جائزہ لیا جائے تو اُنہوں نے اب تک 37 پوسٹس کی ہیں جن میں اُن کی تصاویر اور والد کے ہمراہ ماضی کی حسین یادیں شامل ہیں۔

یاد رہے قوال امجد صابری کو کراچی میں دہشت گردوں نے ہمیشہ کے لیے خاموش کر دیا، امجد صابری کے 5 بچے ہیں جن میں3 بیٹے اور 2 بیٹیاں شامل ہیں۔

واضح رہے کہ کراچی میں 4 سال قبل 16 رمضان 22 جون 2016 کو دوپہر تقریباً 4 بجے کے قریب قوال امجد صابری پر نامعلوم افرا د نے فائر نگ کی تھی تاہم امجد صابری کے سر پر گولیاں لگنے سے ان کی موت واقع ہوگئی۔